Page 23 - KPA

ORANJESTAD (AAN): Na Ling Nam situa na Cura Cabai diasabra pasa di mei anochi
presencia di polis a wordo rekeri relaciona cu bringamento. Patruya di San Nicolas
mientras tanto a presenta y na yegada polis ta topa un hende muher cu algun rasca na
curpa y e ta fuerte bao influencia di alcohol.

E muher ta declara di ta sinta paden den e localidad y diripiente un homber a tene na
su paña y a push’e sak’e for di e localidad.

Consecuentemente el a cay na suela y haya algun herida. Despues e muher a declara
cu el a bay baño prome y ora el a bolbe e ta haya un homber desconoci sinta riba su
stul. El a puntra e homber pa su stul y aki a surgi intercambio di palabra entre su
persona cu e homber.

Na yegada di polis e homber no ta tey mas Na e sitio el a conta diferente “storia”
tocante e sucedido. Polis a recomenda e señora pa e bay cas debi e ta bao influencia di
bebida alcoholico. Su amigo a presenta y a bay cune cas pa asina tin trankilidad den e

localidad.

ORANJESTAD (AAN): Na oficina di Aruparking presencia di polis a wordo rekeri
diasabra pa intermediacion. Polis a papia cu e manager di inicial M. y e ta declara cu e

dia en cuestion e personal di Aruparking a klem un auto altura di Prikichi Minimarket.

Mas laat a presenta doño di e vehiculo na oficina di Aruparking y el a hasi fastioso pero
el a bay di acuerdo pa paga e 75 florin pa kita e klem di e auto.

Ademas M. cu e homber a duna e cahera un papel di 100 florin y ora e cahera a bay
duna e homber resto placa, e homber a nenga di e resto placa.

Polis a papia cu e homber inicial ANM y e ta declara cu locual a sosode e no ta haya
esaki corecto debi cu el a laga e auto pa dos minuut staciona den e lugar pa staciona.

Patruya a intermedia pero e homber ANM no kier a bay cu su 25 florin y el a laga atras

na cahero.