Page 26 - KPA

Seguidamente brandweer a presenta y a domina y a paga e candela. E oficial di
brandweer na warda inicial P. a declara cu probablemente cu candela a inicia mirando e
instalacion di e cas ta pafo di muraya y nan ta usa hopi “verleng snoer”. Personal di
recherche tactica y tecnico a wordo poni na altura.

ORANJESTAD (AAN): Na warda di polis a presenta e homber Gonzalez Acevedo y e ta
declara lo siguiente. E ta declara cu riba 21 di April 2017 pa mas o menos dos’ or di
merdia el a staciona su pickup marca Toyota Hilux color blanco dilanti di e compania

Parcatoo.

E direccion di Parcatoo ta situa na Parkietenbos number 1. EL a laga su potmoni mas un
paki shaq riba asiento den e pickup atras.

Tambe Gonzalez a bisa polis di a lubida di sera bentana di pickup Den e potmoni e tin
su rijbewijs rose, potmoni ta un maron marca Levi’s tambe e tin den dje 225 florin mas
su identificacion.

Pa alrededor di 15:30 el a bin corda cu el a laga a articulonan a riba menciona den e
pick-up. Ora el a bolbe na su Toyota Hilux e ta constata cu desconocinan a pasa man pa
e articulonan.

ORANJESTAD (AAN): Patruya Oranjestad diabierna despues di merdia a wordo dirigi
na Nikky Beach pa nan atende doño di Red Sail cu ta agresivo.

Polisnan na yegada atende e señora inicial C y e ta conta e agentenan di ta lider di e
campamento vacacional y e ta hunto cu un grupo di mucha na beach.

E muchanan ta hunga riba pier di e compania en cuestion. C. a sigui declara cu na dado

momento e doño di Redsail y a presenta y a cuminsa pusha e muchanan cu intencion
pa kita nan of core cu nan for di riba e pier.

Na e sitio e muher doño Redsail no tabata tey. Polis a papia cu e persona di e compania

en cuestion pa nan pone nan hefe na altura cu nan a pasa y otro biaha e yama polis pa
intermedia.