Page 30 - KPA

Diadomingo mainta 8.or.. e bar na Madiki, ex United Dinner, “Bar a bar” a amanece habri cu yen di auto
di luho staciona su dilanti. Un fiesta grandi y pisa tabatin eyden cu yen hende cu tin poder y kisas
entrenan un of mas minister.
Bisinjanan ta informa polis di e situacion y central di polis ta dirgi 4 patruya pa bay ruim op e luga y cera
e sitio.
Na yegada di 4 unidad di polis na e bar, central di polis ta manda informa e 4 patruyanan pa;
CONTINUA NAN PATRUYA.. NO BAHA NE BAR… TUR COS TA OKAY NE BAR EY..
Patruyanan a haya nan obliga di bandona e sitio y paden e fiesta a sigui.
Nos unico conclucion ta cu Minister Arthur Dowers a yama y duna ordo pa no drenta e bar aki. Ningun
otro minister tin e poder ey.
Ra ra ra.. ken ta den e bar ey? E caso aki no a haya mes trato cu 297 restaurant.. unda a cuminza un
lucha libre den e restaurant, cual aya tambe nan a pasa nan ora di ciere.
Tuma bon nota con gobierno ta hasi y deshaci cu poder. Regla pa algun so… y algun otro ta previlegia.
Nos ta EXIGI investigacion den e caso aki pa nos haya sa ta dicon Dowers por a duna un ordo asina…
faboreciendo e bar y trapando riba tur ley.
#LeyPaUnLeyPaTur
#AbusoDiPoder
#QueSigueLaFiesta
Aruba den gara di criminalidad : Tres atracador

arma ta drenta cas na Palm Beach y mara dos

dama

1 day ago 0 473 Views
Palm Beach – Diasabra anochi den careda di 10:45 un cas di famia un biaha mas ta bira victima di un
atraco arma.
Momento cu polis a wordo notifica di e atraco, ya esaki a sosode un 30minuut prome.
Motibo cu nan no a bati alarma mes ora tawata cu esnan den e cas a wordo mara y ta despues di algo
mas cu mei ora a logra los y bay bati alarma paso nan a bay cu tur cellular.
Prome informacionnan a papia di tres atracador, di cual 1 lo ta papia papiamento y aparentemente e otro
dosnan no.
Tur tres tawata na preto na bisti y cu arma di candela
Señora Rasmijn cu ta vocero suplente di cuerpo policial a duna e siguiente relato.
“Diasabra nochi pa 22:44 central di polis ta wordo notifica di
un atraco cu a tuma lugar na un cas na palm beach.
Polis di noord a presenta na e cas y ta bin compronde cu dos hende muhe kedando na e cas a wordo
atraca pa 3 hende homber, dos di nan tabata tin cara tapa y e otro no . Tur tres cu arma di candela . E
atracadornan a drenta e cas y a mara e dos damanan aki stranjero cu ducktape y a hincanan den un
camber di e cas. E tres atracadornn a bai cu $5000,- cellularnan, panjanan y kedsnan nobo . E
atracadornan aki lo mester a hui den un auto chikito y parse scur. Diferente unidad di polis a cuminsa di
biaha cu un busceda pa wak si por topa cu e malechornan aki.
Atraco team a presenta pa cuminsa cu investigashon . Polis technico tambe a presenta y departamento di
slachtofferhulp pa asina guia e señoranan cu a pasa den un susto.
Ken cu por a wak algo jama tiplijn di polis 11141”.
Informacion no oficial ta bisa cu esnan den e cas lo ta di bishita ariba e isla y nan lo ta procedente di
Republica Dominicana.
Ariba un di e fotonan por wak un di e damanan cu passaport den man.
Biba prepara, cera bo cas bon y ta alerto den bo bario. Movecionnan sospechoso avisa polis mes ora.
Paso bo no sa ki dia of ora y tampoco unda e proximo atraco lo bay ta.