Page 23 - AWEMAINTA
P. 23
Diasabra, 23 Maart 2019 AWEMainta 23
Fundacion Parlamento Hubenil a huramenta 6 miembro
RECIENTEMENTE den un ceremo-
nia oficial Fundacion Parlamento Hubenil a
huramenta 6 miembro p’e asociacion.
Despues di un trayectoria largo, e hobennan
a finalisa nan periodo di preparacion cu un
huramento como miembro.
Un huramento unda nan a compromete nan
mes na promove y mantene e derechonan di
mucha, sostene y defende e interes di hoben-
nan y finalmente desaroya nan habilidadnan
di liderazgo, comunicacion y social.
Durante e periodo di preparacion por bisa cu
e hobennan aki a dedica nan mes na atende
cursonan di project management, leadership,
public speaking, debate y teambuilding.
Danki n’e curso y e coachnan cu ta contribui
cu e organisacion, e hobennan a haya e opor-
tunidad pa prepara nan mes y desaroya nan
habilidadnan.
E hobenan cu a huramenta y compromete
nan mes na representa e hobennan y nan
scol of organisacion tabata; Srta. Giovanna
Carisal (14), sr. Dominique Cornett (17),
sr. Alex Rampersaud (14), sr. Camron Pan-
tophlet (14), sr. Leonardo Figarao (17) y sr.
Joshua Tromp (14), sr. Samuel Jones (15).
Directiva di Parlamento Hubenil y Aso-
ciacion Conseho Hubenil Aruba ta felicita
cada un di e hobennan cu a huramenta y
ta desea nan hopi exito den nan trayectoria
como miembro.
