Page 24 - AWEMAINTA

24 AWEMainta
FGCA critico pa cu intencion di AVP
pa un demostracion masal
LIDER di partido Mike Eman di partido di oposicion
AVP a anuncia siman pasa durante un reunion urgente
cu miembro di partido, cu su partido lo organisa un dem-
ostracion masal dia 12 di april benidero pa forsa eleccion
adelanta.
Segun prominente di e partido, motibo p’esaki ta cu e
actual Gobierno di coalicion lo a gaña pueblo y conse-
cuentemente lo ta trata di engaño di votador. Ademas a
pone Aruba riba e lista preto di paraiso fiscal, mientras
cu ex-politico di MEP lo a haya tur tipo di comisariato y
cu a nombra familiar como consehero di Ministro.
AVP ta presenta su mes como e partido cu lo ‘salba’ nos
pais, aparentemente di engaño di votador, nepotismo
y mal gobernacion. Segun Fundacion Gobernacion di
Calidad Aruba (FGCA), e partido en cuestion aparente-
mente ta conta cu amnesia colectivo di comunidad di
Aruba, como cu en realidad AVP t’e ultimo partido cu
por pretende e intencion aki.
Pasobra su historia ta yen di promesa na comunidad di
Aruba y pais Hulanda cu nunca a cumpli of apenas par-
cialmente.
Un bista chikito: E promesa (firma!) na 1993 na Hulan-
da (locual a mantene secreto pa comunidad di Aruba!)
pa transparencia den gobernacion y di financiamento
di partido politico. E promesa (firma!) na comunidad
Arubano na 2000 cu lo ehecuta integralmente tur e 20
recomendacionnan di Raport Calidad (mientras cu final-
mente a ehecuta un solo punto pa motibo oportunista!).
Y di fecha mas recien e promesa solemne di campaña
na 2009 cu lo aboli BBO. Ademas e partido, ya caba
pa varios luna, ta haci tur lo posibel pa pone e culpa di
e problemanan presupuestal y social cu e mes a (yuda)
crea, den sapato di e Gobierno di coalicion actual. Pues
Diasabra, 23 Maart 2019
Pa: Armand Hessels
claramente engaño di votador no ta monopolia di MEP.
Den varios comunicado AVP ta mustra riba su sentido
grandi di responsabilidad. Esaki tambe ta rekeri algun
coreccion. Crecemento ilimita di e debe di Aruba semper
tabata un problema pa tur instancia di conseho Arubano
y internacional.
E negligencia consistente di tur e advertencianan aki
dor di Gobierno consecutivo, mientrastanto a hiba na
un debe practicamente inpagable y na pago di interes
altisimo.
AVP ta carga responsabilidad pa mas o menos 75% di e
debe aki. Asina el a impone no solamente e poblacion
actual, pero tambe generacion di futuro cu pago di debe
y interes riba nan lomba cu lo obstaculisa un desaroyo
sano di Aruba.
E iresponsabilidad di AVP pa di berdad cumpli cu e
promesa di campaña di eleccion di 1994 pa redobla pen-
sioen (contra tur advertencia!) casi a causa bancarota di
e fondo di pensioen. Ademas, e manera di introduccion
mesun iresponsabel di AZV a causa problema financiero
serio pa pais Aruba. En berdad, despues di apenas 15
aña, AVP a mira su mes obliga pa aumenta edad di pen-
sioen riba termino corto cu 5 aña pa evita bancarota di e
fondo di pensioen.
Riba dje, tur aña mester a haci coreccion grandi den AZV
pa reduci e obligacionnan financiero extravagante di pais
p’e fondo aki.
Di fecha mas recien t’e obligacionnan financiero pa cu e
proyectonan di PPP. Desde 2019, esakinan lo come tur
aña, durante 20 aña, Afl. 80 miyon di un presupuesto cu
ya caba no tin caminda mas di rek. >>>>