Page 26 - MIN ECEM 11 MAY 2017

Trahadornan di Douane y Inmigracion ta sinti
insigur y a tene walk-out

- Advertisement -

ORANJESTAD (AAN): Diaranzon mainta, personal di Inmigracion y Douane a tene un
walkout pa algun ora na Aeropuerto Reina Beatrix. Rene Bernabela di Sindicato TOPA a
duna di conoce cu tabata tin un reunion diamars atardi cu gerencia di AAA NV y e
solucion cu nan tabatin riba mesa tabata pa amplia e parkinglot na e parti west cu un of
dos security guard solamente.

Nan como sindicato, representando e trahadornan di Inmigracion no ta haya esaki
aceptable ya cu nan ta haya esaki un insulto y un falta di respet di parti di e
trahadornan di AAA NV. Tin un parkinglot grandi y no tin un cura cera pa loke ta
seguridad y trankilidad di e trahadornan cu ta duna servicio na aeropuerto.Segun
Bernabela, e trahadornan no tin seguridad ni pa nan mes ni pa nan pertenencianan. Tin
trahadornan cu ta subi warda prome cu 5or di madruga. E parkinglot ta completamente
habri y si tin un hende cu kier haci daño, facilmente esaki por wordo realiza pasobra no
tin proteccion ni seguridad pa e personal di Douane y Inmigracion.Esaki a wordo treci
mas cu un biaha na gerencia di Triple A. Ora cu a traha e solar panels a priminti di pone
e trahadornan bek bao di e area aki. Ora cu a caba cu e construccion a resulta cu kier a
cobra cada trahador 1200 florin, Rene Bernabela a subraya. “Esaki ta un insulto.
Gobierno ta e accionista mayoritario y e ora nos ta puntra pa ken nos ta trahando en
todo caso”.TOPA no ta acepta esaki y no a exclui cu si no haya un solucion di parti di
Triple A, cu e accion lo por escala. Nan no acepta tampoco cu tin dos security guard so
den henter e area pa proteha e trahadornan.