Page 56 - MIN ECEM 11 MAY 2017

Aunke falta algun caminda pa caba cun’e, mayoria di e
barionan conecta na Green Corridor ta kedando cla

Wednesday, 10 May 2017 21:21
Comparti

Varios caminda cu hopi ta wordo usa ta wordo drecha den e proyecto di Green Coridor. E ta
bin cu cierto dolor di cabez pa e trafico. E otro areanan patras tambe a atende cun’e.

Marlon Croes, director di DOW a splica cu e areanan patras, e loop noord cu ta sali di Jaraweg,
bay den Sero Alejandro, Rooi Kochi, Mabon, Brazil y Weg Sero Blanco, bay caba den Weg
Fontein, e trabao di asfaltmento ta cla.

Awor aki tin cu bay traha riba ponemento di borchi y tambe riba e wegmarkering pa por
finalisa esaki.

Algun cu falta

E area principal cu falta awor aki, ta e area pa termina na Santo Largo, e area di Zeewijk pa
drenta San Nicolas for di pazuid, tin cu wordo drecha. Tambe nan ta finalisando e
miniparkenan, cu tin cambio di ruta, cu tin cu wordo finalisa den e simannan cu ta bin aki.
No ta facil

E trabaonan aki semper y cuando cu ta purba di identifica tur e riesgonan cu tin prome cu
cuminsa ehecuta e trabao, pero ta keda cu un otro riesgo cu ta topa cosnan den subsuelo cu
nunca a anticipa, cu bo no por a premira, y esey ta un di e cosnan cu ta tuma luga, cu tin cu
maneha den un fase hopi tempran pa e contratista por sigui. Den e caso aki e contractor
authority, hunto cu CC/Odinsa, conhuntamente cu e companianan di utilidad, ta purba di clear
e caminda pa e contratista por traha mas comodo y mas lihe.

Sabana Basora

Pa hopi aña tabata keha riba e caminda na Sabana Basora, y awo nan ta keha tambe di e stof.
Croes a splica cu esaki ta un trabao di traha un caminda di ongeveer 1.5 kilometer. E ta sali na
1.5 miyon florin di inversion. E caminda aki tabata den hopi mal estado na momento cu a
cuminsa y naturalmente a rip off, kita tur asfalt bieu cu tin y e ora ey a cuminsa vul aan cu
material pa e fundeshi. E tabata wordo cera despues di 8’or di mainta y habri bek pa 4’or, pa
yuda e trafico fluha. Durante ora di trabao, trabaonan ta wordo haci y un di e trabaonan cu