Page 58 - MIN ECEM 11 MAY 2017

Awa a pasa hariña pa personal di Douane y Imigracion

Wednesday, 10 May 2017 21:18
Comparti

Tin un mal contento presente douaneronan y personal di imigracion.

Eduard Maduro presidente di SADA, a splica cu Douane ta afo y tambe imigracion. A bin ta señala locual cu a
sosode dos dia prome cu un colega a wordo agredi y a purba di atrak’e, na momento cu el a subi warda pa 12’or
di anochi. Esaki a sosode den e parkingspace cu AAA a designa na nan banda di Directie Luchtvaart y esaki ta loke
a bin ta señala y a premira cu esaki lo bin pasa. A bin ta señala esaki na tanto, leiding Minister Bermudez como
Minister Mike Eman cu esaki. Pa e sindicato, esaki ta un punto di preocupacion hopi grandi pasobra ta pone
funcionarionan di Gobierno pa bay para na unda no tin ningun clase di siguridad eynan, cu ta bin haci nan trabao
durante dia y anochi. Douane y Imigracion ta traha 24/7 y akinan ta caminda cu a bin ta señala cu esaki no ta sigur
pa e trahadornan. A bin mustra esaki a varios ocasion. A pidi gobierno pa interveni mirando cu nan ta accionista
mayoritario di AAA, pa asina duna un spot mas cerca di aeropuerto, unda cu tin e parti di prevencion. E por
sosode cubo unda cu ta, pero ora cu bo ta bin cumpli cu bo trabao pa sirbi pais Aruba, pa combati ilegalidad y
criminalidad cu ta trata di drenta for di otro pais na aeropuerto, aeropuerto hunto cu Gobierno, mester mustra
mas balor pa e trahadonan aki y pa provee un luga mas sigur ora nan ta bin haci na trabao. Esaki a haci cu awa a
pasa hariña unda cu e coleganan a bisa cu no solamente pone un security extra durante e cambio di warda
anochi, no ta trece alivio den nan siguridad. Si dos tres hende bin atraca cualkier hende riba e parkingspace aki, e
ta ataca e persona y e security, pasobra e security no por haci nada. Pasobra ta djis wak e por sinta wak.

Topa y STA a join
Sindicato Topa tabata na aeropuerto tambe y mescos sindicato STA, dunando sosten na SADA. Rene Bernabela a
splica cu mirando cu tin un luga di para auto completamente habri, no tin ningun sorto di proteccion pa personal
di douane y imigracion, pesey nan disgusto. Despues cu un personal di Douane a wordo ataca, a pone esaki como
inaceptabel. Awa a pasa hariña y ta pesey nan a sali te ora cu tin un solucion. Aruba su pilar principal ta turismo y
si vandalismo ta yegando cerca di aeropuerto, no sa kico ta e siguiente pasonan, mirando cu e coleganan ta subi
warda marduga y nan so ta den parkinglot, cu consecuencia kico ta e desenlace te ora e pasa, e ora ta dempel e
pos. Ta protesta y no ta exclui cu esaki por extende. Sr Vrolijk di STA, cu ta representa e grupo mas grandi na
imigracion tambe tabata tey cu su shopsteward. Nan a duna sosten pa asina mustra cu cosnan no tabata bon
mirando e sucedido. E por pasa cu nan miembronan tambe y pesey tabata necesario sali pa demostra e
preocupacion.