Page 62 - MIN ECEM 11 MAY 2017

Gerencia di aeropuerto a keda sorprendi cu accion di
Diaranzon mainta

Wednesday, 10 May 2017 20:58
Comparti

Nos a haya reaccion di aeropuerto riba e demostracion of malcontento cu tabata tin
entre Imigracion y Douane, cu a tuma luga parti pafo di aeropuerto.

Vocero di aeropuerto, Hendrick Croes a conta un tiki riba e reaccion di parti di
aeropuerto, despues di a tuma nota di un situacion cu a presenta pafo di aeropuerto di e
welga diranzon mainta, pero tambe di loke a sosode.

Segun Croes, pa aeropuerto di Aruba sigur diaranzon mainta ora cu a topa cu e welga
pafo di parti di Douane, unda cu departamento di Imigracion tambe a uni forsa pa haci
e welga aki den un forma mas grandi, a cay den un sorpresa den e caso aki. En berdad
tin un sucedido cu a tuma luga unda cu un empleado di Douane a wordo agredi den e
parkinglot di e aeropuerto, pero na momento cu a haya sa di e caso aki via di e
empleado aki mes, di biaha e departamento di siguridad a haci su trabao door di tuma
contacto cu polis, wak kico tur por haci, pa di forma inmediato haci cambionan
necesario pa asina esaki por sosode un biaha mas riba tereno di aeropuerto. Como cu
aeropuerto a tuma e caso den un forma light, den sentido cu pa aeropuerto di Aruba,
solamente cu un empleado di Douane ta esencial pa aeropuerto, pero cada persona cu
ta bishita y traha na aeropuerto, tur e parti di siguridad, sigur tin hopi atencion di parti
di aeropuerto.

Pa e siguiente dia, unda e parti di maneho di Douane a tuma contacto cu aeropuerto pa
trata loke a sosode, unda cu eynan a yega na cierto areglonan, unda cu aeropuerto di
Aruba tambe a trece padilanti, e cambionan cu lo bay bin den e area aki, pa e
empleadonan cu ta haci uzo di e parkinglot aki, por sinti mas safe ora di parkeer den e
area aki.
A cay como sorpresa pa aeropuerto mirando e siguiente dia a mustra como sifuera e
informacion no a yega na e empleadonan di Douane kico ta bay sosode. Aki ta unda cu
aeropuerto di Aruba ta sinti cu a demostra cu ta bay haci e cambionan necesario, pa
esnan cu ta sinti cu no ta safe, wordo adresa di biaha. Pa un periodo di 4 aña tur esnan
cu ta traha na aeropuerto ta para den e area aki. Nunca for di tempo cu a haci uzo di e
parkinglot aki te cu awor aki algo asina a sosode. Pa e motibo aki ta haya atencion di
inmediato di aeropuerto pa por preveni cu esaki ta sosode den futuro.