Page 64 - MIN ECEM 11 MAY 2017

Ishwar Daryanani: Mi ta haya cu Aruba su economia ta
bayendo bon

Wednesday, 10 May 2017 20:28
Comparti

Ishwar Daryanani tabata un di centenares di participante na e evento 1000voz cu a wordo organisa door
di e fundacionnan di e hala cientifico di partido AVP

, Fundacion dr. Mito Croes y Fundacion Digna Lacle-Herrera. Un cantidad grandi di hende a aglomera
den Hilton Hotel pa participa activamente den 1000voz y expresa nan opinion , nan deseo, nan
preocupacion y bin cu posibel solucionnan. Un di nan ta Ishwar Daryanani.

E participante aki a bisa cu su motivacion pa participa den e evento 1000voz ta pasobra cu basicamente e
opinion di e comunidad ta wordo scucha y poni den e programa di e siguiente gobernacion. "Mi ta haya
1000voz un proyecto hopi importante y na mi opinion eventonan asina mester tuma lugar mas biaha,
sigur un bes pa aña." El a splica cu el a scoge pa sinta y participa na e mesa di Economia y loke a resalta
tabata San Nicolas. "Dicon no tin comerciante cu ta inverti den San Nicolas y pakico hendenan no ta bay
cu mas frecuencia na San Nicolas."
Daryanani a bisa cu mirando tur e ideanan cu a bin riba mesa e ta spera cu loke a bin dilanti wordo
considera y e ideanan implementa. "No solamente scucha, pero tambe actua. Puntonan hopi urgente cu
mester di atencion di inmediato a wordo treci dilanti." Un punto positivo cu pa Daryanani ta bisto y bon
pa Aruba ta con su economia ta bayendo. "Asina p.e. nos ta bayendo hopi bon pa loke ta Turismo. Claro
cu tin retonan, pero over all cosnan ta bay bon. Ora e refineria cuminsa cu su operacion, esaki sigur
tambe ta algo cu ta hopi bon pa nos economia." Na final Daryanani a enfatisa cu e ta haya e evento
1000voz tremendo y cu mester sigui scucha pueblo di e forma aki.