Page 69 - MIN ECEM 11 MAY 2017

Odinsa no a keda cla cu su parti electrico haciendo cu cierto
partinan di Green Corridor a keda scur

Wednesday, 10 May 2017 20:52
Comparti

Parti di Green Corridor ta scur y por a mira algun luz kida. Marlon Croes, director di DOW, a splica cu berdade trabao di Green
Corridor ta moviendo y a contratista

, den caso aki CC/Odinsa tabata tin diferente reunion cu e companianan di utilidad, entre nan Elmar cu tin e luznan di caya
poni y akinan tabata tin cierto palabracionnan cu a wordo haci, unda cu Elmar lo kita di luznan di caya cu tin existente y Odinsa
lo instala esunnan nobo. Si ta core e ruta aki por mira e luznan existente ta cendi y e nobonan ta bin mey mey di e caminda
nobo y e caminda bieu.

Den e siman cu a pasa, Elmar a bay over pa kita su luznan completo y Odinsa no a keda cla ainda cu su parti electrico pa e por
duna iluminacion na caya. Esey a trece cun’e cu tin reunionnan cun’e e siman aki pa e por tuma medidanan preocupacional, pa
asina e luznan por ta ilumina y asina duna miho bista riba e caretera aki.

Keho riba situacion

E keho di scuridad a bira un problema mas na e puntanan di desviacion, rotondenan di Mahuma, e rotonde di Drive Inn, unda
cu nan a wordo informa caba cu nan tin cu pone mas iluminacion pa e por bay mas fluyente y mas sigur, segun Croes.
E proceso

Tin hopi trabao pa haci. Den e reunionnan ta puntra Odinsa/CC, si nan ta haal’e pa Augustus 14. Nan ta confirma cu nan ta
yega e fecha. Pero tin hopi trabao pa haci. Siman pasa e gerencia di Odinsa di Bogota tabata na Aruba, unda cu a reuni cu nan
y nan a ilustra nan compromiso pa termina e trabao aki pa Augustus 14. Tin basta trabao tumando luga ainda y tin cu tuma
luga y den e proximo simannan cu lo bay mira un intensificacion di e trabaonan pa nan por finalisa esaki. A haci diferente audit
y den nomber di e diferente lendersnan y contract authority, tin algun debil den e organisacion di Odinsa cu tin cu wordo
mehora y tin cu cuminsa controla e parti fisico.
Puntonan debil

Puntonan debil cu nan tin cu mehora, ta caminda cu tin cu mitiga e riesgonan. Tin un tabel cu tin cu traha cun’e y e ta full
yena. Of e ta yena na Spaño. Como contractor authority y como independent engineer, no ti un acceso cla riba dje, pasobra e
contractora specifica cu e mester na Ingles y ta bay ta traduciendo esaki na Ingles pa por wak y asina clarifica e puntonan,
segun Marlon Croes.