Page 71 - MIN ECEM 11 MAY 2017

Qredits den su prome luna di operacion a haya hopi interes
di posibel clientenan

Wednesday, 10 May 2017 20:44
Comparti

A cumpli un luna caba cu Qredits microfinanciering Aruba a cuminsa cu su operacion den MFA
Noord.

E “bedrijfsadviseur” Oliver Vieira ta contento cu e reaccion cu e oficina a bin ta ricibiendo desde cu
nan a habri na inicio di luna di april. Tabata durante su ultimo bishita na Hulanda cu Prome Minister
Mike Eman a finalisa e negociacionnan pa yega na un acuerdo cu e institucion di micro-
financiamento. Qredits ta un fundacion non-profit cu ta facilita micro financiamento na
entrepreneurs y start ups pa cuminsa nan propio negoshi.

Den combersacion cu sr. Oliver Vieira, el a bisa cu e luna cu nan tin trahando tabata uno hopi
interesante. Diferente persona a acudi en busca di infomracion riba e servicionan cu nan ta ofrece.
Despues di e prome reaccion, tambe nan a haya e prome peticionnan pa apoyo tecnico y peticion pa
prestamo. “E prome luna tabata hopi varia y mi expectativanan ta cu e interes lo sigui crece,” Vieira a
comenta.

El a informa cu tin algun peticion pa prestamo cu a wordo ricibi caba y a manda esakinan Hulanda pa
evaluacion. “Nos ta en espera di e decision final pa cuminsa saca e creditonan. Esnan cu a mustra
interes aworaki den e servicio di Qredits ta personanan di diferente edad, muhe y homber, personanan
cu experiencia y otronan sin experencia y hasta tin hendenan cu den pasado a stop cu nan negoshi, cu
awor a mustra interes pa bolbe den e mundo aki. E interes mas grandi aworaki ta cerca personanan cu
kier opera den sector di importacion/exportacion, turismo, cuminda y productonan organico. E ultimo
aki ta specialmente bou di profesionalnan hoben.

Tur esnan cu ta interesa mester presenta un plan comercial cu ta wordo studia door di Qredits si e ta
cuadra prome cu tuma e peticion y manda esaki Hulanda. “Nos mester sigura cu sin importa den ki
mercado e cliente kier drenta, e tin e miho chensnan pa ta exitoso,” Vieira a bisa. El a agrega cu semper
si ta duna conseho na esnan cu kier cuminsa un negoshi pa bini cu algo cu no tin eyfo ainda pasobra
“esaki lo dunabo un miho chens pa ta exitoso”.

Vieira a expresa cu nan ta hopi satisfecho cu e reaccion cu e oficina di Qredits a haya den su prome luna
di existencia. No a pensa riba un cifra exacto di caso cu nan lo atende den e prome luna, pero a
constata cu tin hopi hende interesa pa cuminsa cu nan propio negoshi y cu a dal e prome stap pa logra
esaki. Mirando cu tin un par di peticion cu a keda entrega caba, Vieira ta kere cu e luna aki ainda nan ta