Page 19 - BNDIA ARUBA

A19
DEPORTE Diahuebs 13 september 2018

Atletanan di COA a hunga ‘DodgeBall’ contra Maria College Mavo

ORANJESTAD - Recientemente a tuma luga Fitville
2018. Como parti di e programa aki IBISA a tene un
competencia di DodgeBall pa scolnan avansa na Aruba.

Aki Maria College Mavo a sali e ganadora absoluto di e torneo
entre e scolnan. Pa e motibo aki a forma un team cu atletanan
hoben di COA cu e enfrenta e team campeon di Maria Col-
lege Mavo.

Den e team di COA nos por a mira e rumannan Chiara
& Sophia Petrocchi di taekwondo y judo, e coredonan di
BMX Feddison Akeem Flanders y Shanayah Howell, e atleta
di long jump Quincy Breell, e atleta di high jump Willo Man
Lts Wuill Vrolijk, e atleta di tennis di mesa Jeandry Mathil-
da y e hisado di peso Joel Kuiperi. Esaki ta segun e fuente 297
Sports.

Sin duda e atardi aki tabata uno di goso pa tur cu a presen-
cia esaki, un iniciativa tremendo pa laga nos hobennan cera
conoci cu nos atletanan elite. Pa loke ta e resultado final Maria
College a gana 4 - 0 di e atletanan di COA.

Advertorial

Pabien ‘FitVille Aruba Fitness Festival and

Competition 2018’

ORANJESTAD - Aruba Bank, e banco
pionero di Aruba, ta orguyoso di a sos-
tene ‘FitVille Aruba Fitness Festival and
Competition 2018’. Meta di e banco ta
conecta cu comunidad deportivo pa in-
spira ciudadanonan pa participa den
eventonan di movecion y programanan
cu ta promove salud mental y fisico.
E evento a conta cu atletanan local como
internacional, variando entre edad 16 – 50
aña, procedente di Merca, Surinam, Suecia,
Trinidad & Tobago, Republica Dominicano
y Puerto Rico. Segun William Erasmus di
comision organisado, ‘el a surpasa tur expec-
tativa. Otro aña nos lo bin mas grandi ainda’.
Cu mas o menos 100 participante den cross-
fit y mas di 1000 participante den Funstacle y
otro disciplinanan, e evento a resulta den un
exito rotundo.

E actividad di tres dia a culmina Diadomin-
go anochi caminda a parti e premionan cu a
encera e 5 categorianan den Crossfit y tambe
den Funstacle. Aruba Bank ta orguyoso di por
a sostene e realisacion di Fitville y ta felicita e
organisadonan, boluntarionan, atletanan y e
ganadonan. Pabien!