Page 7 - DVG
P. 7
15 psicologo ta sigui curso di Terapia pa
comportamento cognitivo
Posted on 07/30/2019 6:24 am AST | Updated on 07/30/2019 6:25 am AST
ORANJESTAD - Entre 22 di juli pa 16 di augustus 15 psicologonan lo participa na e
curso di Terapia pa comportamento cognitive (Cognitieve Gedragstherapie). E curso
basico aki ta acredita na Hulanda y ta wordo ofreci door di PAO (Psychologie,
Nascholing en Opleiding). Docente, meneer Steven Strietman, ta un GZ-Psycoloog hopi
experiencia como tambe un supervisor pa e Asociacion pa ‘Gedrags- en cognitieve
therapieën’. E curso fundamental aki lo wordo sigui pa 15 psicologo basico cu entre otro
ta traha particular y den tur tipo di instancia na Aruba manera Respaldo, MDC, EPB,
Directie Sociale Zaken e IPA.
Den un analisis realisa door di Respaldo a resulta cu e formacion di psicoterapia pa
psicologonan trahando cu muchanan como tambe adulto ta insuficiente. AZV tambe
tabata na altura di esaki y den conversacionnan cu Respaldo AZV tabata dispuesto di un
manera hopi constructivo duna un paso fundamental den psicoterapia pa 15 psicologo.
Aumenta e calidad di tratament den e seno di salud mental ta di gran importancia pa e
calidad di bida di hopi hende na Aruba. Por lo tanto, ofrece e curso aki ta un paso
importante.
