Page 31 - BON DIA ARUBA

A31
LOCAL Diamars 30 mei 2017

Opleidingsmanager di EPI C&T, Randolph Tromp

A organisa Science Fair pa promove tecnologia

ORANJESTAD - Recientemente a tuma luga e Science
Fair di Colegio EPI seccion Ciencia y Tecnologia, unda
cu studiantenan a mustra nan trabounan di e aña
escolar actual. E studiantenan di dos aña a cuminsa cu
un proyecto di cual mester a traha un producto y pa
ful e aña nan a traha riba dje. E Science Fair a fungi
como un plataforma pa demostra nan habilidadnan y
conocemento adkiri.

A tuma luga un demostracion pa studiantenan di MAVO y
pa publico general. E meta di e Science Fair ta pa promove
tecnologia. “Nos tin 3 opleiding, tin opleiding bouwkunde,
electrotechniek y werktuigbouwkunde. Den bouwkunde nan
a bin cu por ehempel un stoel multi uzo, nan a bin cu casnan
tradicional con bo por spaar energia. Den electro tabata tin un
robot, un luz den cubes, luz cu ta draai, un hydro generator
cu ta produci energia cu awa. Den werktuig nos a haya un
solar car, un auto cu ta core riba solo, tambe a haya 2 auto, uno
cu ta drift y manera un junior dragster”, Opleidingsmanager
di EPI C&T, Randolph Tromp a remarca.

E muchanan di 3de y 4de MAVO a observa e proyectonan pa
asina nan por tin mas informacion prome nan mester kies e vak
di wiskunde y natuurkunde, pasobra esey ta e 2 vak cu mester
pa bay Techniek. Hopi di e muchanan ta laga e 2 vaknan cay
afo. “Nos ta trata di promove cu si bo kier techniek, bo mester
sigui cu e vaknan ey. Hopi ta bira entusiasmo y asina nos ta
trickle nan pa nan bin cerca nos”, asina Randolph Tromp a
remarca.