Page 11 - ECEM JAN 16

Monumentenbureau a contribui cu un articulo den revista
ABC Compas

Monday, 16 January 2017 14:04
Comparti

Recientemente Monumentenbureau a wordo acerca pa contribui cu un articulo na e revista ABC Compas,
informando tocante e maneho en general di monumento. E revista ABC Compas ta wordo distribui bow
di e studiantenan na Universidad technico na Delft na Hulanda.

E studiantenan ta hanja informacion relevante di e islanan Aruba, Boneiro y Corsow (ABC). Ir. Bert
Kamsteeg a acerca Monumentenbureau pa e contribucion aki y Monumentenbureau ta agradecido cu
semper sr. Kamsteeg ta mustra hopi interes pa nos monumentonan y alaves ta conoci na Aruba pa a
realisa varios restauracionan como arquitecto. E autor di e articulo di informacion general di maneho di
monumento pa e revista ABC Compas, ta directora di Monumentenbureau, sra. Ing . Yvonne Webb-Kock.
Sra. Webb- Kock ta e expert local riba e materia di monumento. Pa lesa e articulo completo cu ta compila
den Hulandes ta referi na e facebookpage “Monumentenbureau”. Riba e facebookpage tambe lo haña e
link si kier lesa e revista completo. Monumentenbureau semper ta dispuesto pa comparti su informacion
di nos monumentonan mirando cu Monumentenbureau ta e centro di conocemento di monumento di
Aruba y ta equipa cu un team dinamico cu hopi experticio riba nan tereno di monumento.