Page 13 - ECEM JAN 16

SMFA cu bishita di trabou na Hulanda

Monday, 16 January 2017 14:36
Comparti

Na principio di december directora di Stichting Monumentenfonds Aruba, Anne Witsenburg, den cuadro
di despedida di Sr. Siebinga como director di Nationaal Restauratie Fonds (NRF) a hasi un biahe di
trabou pa Hulanda.

Durante di e despedida tambe a duna elogio na e trabounan cu Stichting Monumentenfonds Aruba a bin
ta hasiendo e ultimo añanan pa locual ta trata restauracion y mantencion di edificionan monumental.
Como regalo di despedida SMFA a entrega Sr. Siebinga un maquette di Nicolaas Store. Nicolaas store ta
un di e proyectonan den cual NRF a hunga un rol importante como financiado di e proyecto mescos cu
tambe entre otro proyectonan di Watertoren y California Lighthouse nos por a conta cu e coperacion di
NRF. Tambe e directora di SMFA a probecha pa tene reunionan cu entre otro representantenan di
Ministerio di enseñansa, ciencia y cultura tocante e revolving fund pa Caribe Hulandes. E Minister
Plenipotenciario Sr. Yrausquin caminda cu un di e temanan principal tabata e envolvimiento di
studiantenan den locual ta e tema di herencia cultural. Hopi studiantenan di Caribe cu ta bai studia
Bouwkunde ta hacie na Hogeschool Rotterdam. SMFA tin bon relacion cu e Hogeschool. Regularmente
studiantenan ta haci su stage of afstudeeropdracht na SMFA. Tambe cada aña un grupo ta haci su Minor
opdracht, ultimo grupo a haci un proyecto na Huize Veneranda na oktober 2016. E Hogeschool a
organisa un ‘motivational coffee’ pa studiantenan topa cu directora di SMFA y director di Faculteit
Bouwkunde pa papia di e posibilidadnan pa core stage na Aruba.

E directora tambe a reuni cu studiantenan cu ta bezig cu su afstudeeropdracht tocante cas di palo na San
Nicolas. Nan ta bai finalisa nan estudio fin di januari. Den e encuentronan aki a enfoca riba con por sigui
y amplia e cooperacion aki. Banda di esakinan coperacion cu Aruba Toursim Authority (ATA) ta hopi
importante pa SMFA. E ultimo añanan ATA ta focus mas riba herencia cultural cu ta parti di e ‘Product
Aruba’ cu nos kier a ofrece nos turistanan. E directora a haya un meeting cu sr Tirso Tromp, director ATA
Europe. E directora a sinta tambe cu Stadsherstel Utrecht y Nationale Monumentenorganisatie caminda
cu por a intercambia ideanan y tambe planesnan pa por conta cu otro den futuro pa coperacion di trabou.
Den e combersacion aki tambe a intercambia experiencia tocante mantencion di monumentonan.SMFA
semper ta conta cu bon contactonan den exterior pa asina por sigui cumpli cu su meta principal cu ta pa
preserva nos pasado pa futuro.