Page 19 - AM190206

Diaranson, 6 Februari 2019 AWEMainta 19

Doño di cacho mata,

a maltrata chauffeur culpabel

DIALUNA mainta pa mas o menos 11’or

Polis ta bay un adres na Tanki Leendert, pa

un caso di maltrato y unda lo tin un cacho
morto.

Na yegada nan a papia cu esnan envolvi, se-
gun nos a compronde, e agentenan lo mester

a bay na dos adres.

Loke a pasa ta lo siguiente: E victima a pasa

cu su auto riba un cacho y e cacho a fayece.

Segun e dama chauffeur esaki tabata un ac-
cidente, cu segun su persona no ta pa malo, el

a pasa cu su auto riba e cacho.

E asunto no a keda asina. Algun minuut
despues cu esaki a sosode, e doño di e cacho,

kende tabata hopi tristo y rabia alabes, a bay
n’e auto, a habri e porta di auto y a cuminsa

manda mokete riba e dama chauffeur.

E cacho cu tabata un cacho crioyo y pa su mala

suerte tabata drumi riba caya net n’e momen-
to cu e chauffeur tabata pasando. Maske ley

di cacho ta bisa cu bo cacho mester ta den bo

cura, e cacho no por pensa pa su mes di keda
den cura, hopi biaha cachonan crioyo ta gusta

nan libertad di cana riba caya. Esaki ta un di

e consecuencianan tristo cu nan por wordo
gedal cu auto.

E doño di e cacho tabata hopi emocional y
mirando su casa yorando hopi pa nan cacho

stima cu a caba di muri, den su desesperacion,
sin por a pensa cla y cu emocionnan halto a

actua di e forma aki, di a bay dal e chauffeur.

Mirando cu e homber a comete maltrato el a
wordo deteni y hiba warda.

N’e sitio nos a compronde cu e dama chauf-

feur a bay Poli y lo pidi un papel di dokter pa

bay Warda di Recherche y entrega keho con-
tra di e homber di maltrato.