Page 51 - AHATA

Fazio: Superweekend of no, check-in pa

tur pasahero ta 3 ora prome cu buelo

Posted on 01/9/2019 4:58 pm AST | Updated on 01/9/2019 4:58 pm AST

ORANJESTAD - Si ta Super Weekend of no, e conseho di biahamento ta keda
mescos: Tur pasahero mester ta na aeropuerto 3 ora prome cu e ora di salida di
buelo pa evita cualkier inconveniencia. E comentario aki ta bin di e director di
aeropeurto James Fazio. E ta referi na e ‘review’riba Trip Advisor. Aki ta unda cu
aeropuerto a tuma nota di un post negativo riba Trip Advisor cu AAA ta haya
lamentabel, unda un pasahero ta bisa cu a tard’e 4 ora y mei pa yega su buelo. Pa
loke ta trata e review Fazio a bisa lo siguiente: “E experiencia di e pasahero pa nos
ta di suma importancia y ta duel nos pa scucha cu un pasahero a perde su buelo na
Aeropuerto di Aruba. For di e perspectiva di aeropuerto, nos a percura pa tin tur
personanan clave na aeropuerto pa por garantisa un procesamento di pasahero mas
eficiente posibel den e situacion extraordinario aki.”