Page 54 - AHATA

Casi no tabata tin necesidad pa accion of pleitamento, un conflicto cu mester a pidi

intermediacion di mediador, cu excepcion pa e sector di casino.E sector casino si ta un

problema cu ta hopi straño, segun Dirksz. Con e sector casino cu ta den e sector turistico

cu ta bay bon y casino ta bay malo. Akinan mester tin un investigacion y mester percura

pa wak di berdad si e producto casino ta keda e producto cu kier.

Por haci’e manera otro paisnan, cu bo ta pone e destinacion como un luga di sosiego, un

luga di bon trato, pa relaha, of bon cuminda. Hunto cun’e bo tin casino.

Tin cu wak e producto eynan, segun Dirksz, cual eynan si tabata tin basta problema di
hopi aña, te cu 2018, caminda cu tin tres casino cu no por yega na conclusionnan.

Otro sectornan cu a cay

Tin otro sectornan manera construccion cu a cay hopi. Construccion tambe trahadonan a

bay pa otro sindicato, pero cu ta bin bek. Pero bo tin un situacion door di hopi sub

contratista no ta traha cu leynan manera mester ta, caminda cu tin cheaplabor. Aruba no

ta bira mas grandi, bo no ta haya construccionnan grandi. Si en caso bin construccion

grandi, loke cu a ripara ta cu lamentablemente, e contratista ta bin di afo. Na momento di

traha caminda, na momento di traha hospital. Hospital y companianan local a wordo hopi
envolvi suficiente. Hubert Dirksz di FTA a splica cu mester percura pa desaroyo

economico yuda soluciona problemanan di bo pais y no di otro afo. Esey a mira cu tin

problema den construccion y trahando cu companianan grandi cu cierto momento mester

reduci nan staff y bay full pa traha cu subcontratista, pasobra e costo ta grandi y e

competencia ta inhusto. E ora bo ta haya cu si bo no tin control, mas ilegalidad ta bay

tuma luga. Esey segun Dirksz ta un reto.