Page 8 - AWEMAINTA

8 AWEMainta Diaranson, 3 April 2019

Formalisacion di colaboracion mutuo entre

Nationaal Centraal Bureau, Combatimento di

Terrorismo, Seguridad y Interpol y Banco Central

A institui e Nationaal Centraal Bureau Terrorismebestrijding (Combati-

mento di Terrorismo), Seguridad y Interpol (NCTVI) pa aporta na forti-
ficacion di e seguridad di Aruba riba nivel strategico pa medio di maneho

riba e tereno di,e.o., combatimento di terorismo y cybercrime.
Pa cu esaki, NCTVI ta un partner strategico den e dominio di seguridad.

Colaboracion y cooperacion cu tur partner den e dominio di seguridad

di Aruba ta esencial. NCTVI ta poniendo enfasis riba establicemento di
diferente proceso cu varios institucionpa cu esaki.

Banco Central di Aruba ta un institucion di suma importancia pa cu e
stabilidad financiero y proteccion di e sistema di pago di Aruba. Nan t’e

institucion cu tin e tarea pa supervisa e sector financiero.
Pa por mehora e defensanan riba tereno di terorismo y cybercrime y pa

aporta na seguridad di Aruba den su totalidad a formalisa un cooperacion
mutuo entre NCTVI y Banco Central.

Como parti di e formalisacion di e cooperacion aki a defini na ki manera

e dos instancianan aki por traha hunto respetando, e.o., e cuadronan legal
di ambos institucion. Esaki ta sigur un muestra di e seriedad cu Banco

Central tin pa cu e seguridad di Aruba.
Di parti di NCTVI, lo sigui corto plaso cu formalisacionan di colaboracio-

nan cu otro partners den e dominio importante aki