Page 43 - ATA

Cu compromiso di tur stakeholder y pa medio di inovacion Aruba lo por desaroya un
economia cu ta para pa creatividad, cultura y inclusion di un y tur.

Go Cultura Foundation den su afan pa sostene iniciativanan cu ta stimula y engrandece e
sector cultural y creativo di nos isla, a mira importancia grandi den e investigacion y tesis
valioso aki y a dicidi di sostene Thaïs, dor di laga imprimi y publica esaki den forma di
un buki.

Riba e potretnan por aprecia algun di esnan a contribui na e investigacion y realisacion di
e tesis aki. Tur persona y instancia cu a forma parti di e investigacion a ricibi un copia di
dicho publicacion for di mannan di Edjean Semeleer, co-fundador di Fundacion Go
Cultura, p’asina nan tambe por sigui ta parti integral di e esfuerzonan pa sigui desaroya e
industria cultural y creativo den un pilar economico pa Aruba.

Un otro desaroyo positivo cu a resulta di e tesis ta cu Thaïs a bira un columnista y autor
di ‘Creative Islander’ pa Aruba Today. Bisemanal riba diahuebs Thaïs ta scirbi
articulonan informativo y critico p’asina conscientisa e comunidad y tambe comparti su
conocemento riba tereno di creatividad, cultura, desaroryo sostenibel y inovacion na un
manera simplistico y argumenta pa medio di hechonan relevante.

Acualmente, Thaïs Franken ta na Hulanda finalisando su double degree Master of
Science den Public Policy and Human Development na United Nations University –
Maastricht Economic and Social Research Institute on Innovation and Technology
(UNU-MERIT) y University of Maastricht, cu un specialisacion den ‘innovation,
institutions and development’.

Sinembargo, mirando e exito cu Thaïs tabatin na Aruba y considerando su pasion pa
inovacion, Thaïs a dicidi di extende su investigacion pa cu su master tesis, cual te n’e
momentonan aki ta carga e titulo “The Road Towards an Innovative Aruba”.

E master tesis aki lo investiga e posibel sinergia di polisa (policy synergy) entre dos
economia prospecto presenta dor di Gobierno di Aruba, cual ta e industria creativo y e
economia di conocemento pa asina stimula mas inovacion y desaroyo socio-economico
sostenibel na Aruba.

Go Cultura Foundation, hunto cu tur entidad cu ta brinda apoyo financiero n’e fundacion,
ta felicita Thaïs Franken cu publicacion di un obra asina importante y ta desee hopi exito
cu su master tesis na Hulanda.