Page 47 - ATA

investiga e posibel impacto socio-economico y cultural di e desaroyo di un industria cultural y creativo como
un posibel pilar economico importante pa Aruba. Den cuadro di e defensa di su tesis y su graduacion exitoso,
Thaïs a ricibi un “best thesis award” pa e aña academico 2017-2018 pa su tesis titula: “Placing Culture and
Creativity at the Heart of the Aruban Sustainable Development”.

Den e tesis aki por nota claramente con e desaroyo di un industria cultural y creativo por aporta na
diversificacion di nos economia y tambe con e por tin un impacto socio-economico y cultural profundo,

positivo y duradero riba nos comunidad. Ta resalta tambe cu creatividad riba su mes ta un recurso sumamente
valioso y cu e ta parti di nos identidad. Sinembargo, e resultadonan tambe ta señala puntonan di accion cu lo
determina e exito di e implementacion di un industria cultural y creativo. Cu compromiso di tur stakeholder y
pa medio di innovacion Aruba lo por desaroya un economia cu ta para pa creatividad, cultura y inclusion di un
y tur.

Go Cultura Foundation den su afan pa sostene iniciativanan cu ta stimula y engrandece e sector cultural y
creativo di nos isla, a mira importancia grandi den e investigacion y tesis valioso aki y a dicidi di sostene

Thaïs, door di laga imprenta y publica esaki den forma di un buki. Riba e potretnan por aprecia algun di esnan
a contribui na e investigacion y realisacion di e tesis aki. Tur persona y instancia cu a forma parti di e
investigacion a ricibi un copia di dicho publicacion for di mannan di Edjean Semeleer co-fundador di
Fundacion Go Cultura, pa asina nan tambe por sigui ta parti integral di e esfuerzonan pa sigui desaroya e
industria cultural y creativo den un pilar economico pa Aruba.

Un otro desaroyo positivo cu a resulta di e tesis ta cu Thaïs a bira un columnista y autor di ‘Creative Islander’
pa Aruba Today. Bisemanal riba diahuebs Thaïs ta skirbi articulonan informativo y critico pa asina
conscientisa e comunidad y tambe comparti su conocemento riba tereno di creatividad, cultura, desaroryo
sostenibel y innovacion na un manera simplistico y argumenta pa medio di hechonan relevante.

Acualmente, Thaïs ta na Hulanda finalisando su double degree Master of Science den Public Policy and

Human Development na United Nations University – Maastricht Economic and Social Research Institute on
Innovation and Technology (UNU-MERIT) y University of Maastricht, cu un specialisacion den ‘innovation,
institutions and development’. Sinembargo, mirando e exito cu Thaïs tabata tin na Aruba y considerando su
pasion pa innovacion, Thaïs a dicidi di extende su investigacion pa cu su master tesis, cual te na e momentonan
aki ta carga e titulo “The Road Towards an Innovative Aruba”. E master tesis aki lo investiga e posibel