Page 18 - MIN JUS

Den e caso di ex polis Gibbs: Sharin Luydens di Censo ta
condena hecho di falsificacion

Monday, 05 December 2016 21:11
Comparti

Desde cu Luydens a bin den Censo e tin 75 pa 100 keho duna na Ministerio Publico.

Cu algo a wordo haci y entre nan ta un contra di sr. Gibbs. Censo ta duna e keho, e ta duna practicamente
e caso cla na Ministerio Publico y Ministerio Publico y polis tin cu sigui cu e casonan aki. Censo no por
haci nada cu e casonan aki. Cu e ta afecta den e trabao di Censo ta asina.
Desde cu el a bin na 2009 pa 2016, Luydens a duna den e trayecto cu e ta eynan, entre 75 pa 100 keho
riba falsificacion, bigamia, actonan cu ta wordo treci falso. Pa duna un ehempel, un señora ta bin y ta
duna un acta caminda cu cuater yiu, tur a nace 4 luna for di otro y ta imposibel. E ta un acta falso. Censo
ta duna keho, pero nan no por persigui penalmente pasobra no ta nan tarea. Cu nan ta keda bin Censo cu
otro actanan, ta fastioso pa nan.
Keho

Gibbs ta un di e personanan cu a entrega keho contra dje. Luydens a splica cu sr. Gibbs a wordo deteni
un biaha caba y a sali liber. Tras di e prome tin diferente material cu ta conoci cu e ta falsifica.
Afortunadamente e firma di Luydens si e no a falsifica. Esey ta loke Luydens mes a indica.
E persona aki a bay hopi leu door di falsifica firma di minister y di Gobernador. Pa motibo di su
maniobra a yega te na otorga paspoort Hulandes. Loke Luydens sa ta cu el a falsifica papel di cinco florin.
E papel di cinco florin ta un papel geprint. E ta coy uno normal, ta tamper cun’e y ta acepte. Ta pesey ta
importante pa diferente departamento di Gobierno ta gekoppel na otro. Entre otro Registro Civil, e
informacion di esaki, Dimas ta wak’e direct, Siad ta wak’e direct, AZV ta wak’e direct. Pesey mes ora e
cosnan aki pasa, ta entrega keho. No ta prome biaha ta falsifica papel di cinco florin.
Pa haya un paspoort ta un cos. Prome cu esey mester naturalisa prome, cual tin cu pasa via kabinete di
Gobernador y Dimas. Loke cu Luydens tin di compronde for di prensa mes cu el a logra haya un
nacionalidad Hulandes of purba di haya nacionalidad Hulandes cu papelnan falsifica. El a falsifica
papelnan di Raad van State, etc. y diferente otro instancianan grandi y esaki ta algo condenabel y cu
mester actua fuerte contra di dje.