Page 9 - MIN JUS

afo di un discrepancia di un cantidad di 12 mil hende cu aparentemente no ta biba na
Aruba. Director di Censo Aruba Sharin Luydens ta kere cu mester pone enfasis pa tin
un bevolkingsregister limpi debi cu hopi instancia na Aruba , manera gobierno y pafo di
gobierno ta conta cu e informacion cu censo tin. Loke ta importanta ta pa pone infasis
ta cu e bevolkingsregister ta pa hendenan cu ta biba na Aruba, ley ta duna cu
hendenan cu ta biba realmente na Aruba tin e derecho pa ta inscribi den e
bevolkingsregister.

Si un persona no ta biba na Aruba e no por ta inscribi na na censo y como ciudadano
riba e articulo 27 y 28 di Landsbesluit di bevolkingsregister e ciudadano mester schrijf
su mes uit di censo.Sinembargo tur hende cu ta incorectamente inscribi of cu no ta kita
su nomber for di bevolkingsregister lo tin consecuencia financiero negativo riba nos
pais. Director di bevolkingsregister Aruba ta haci un apelacion na comunidad di Aruba
pa esnan cu no ta biba na Aruba pa kita nan nomber mas pronto cu ta posibel .E
proyecto aki a keda haci dor di fondo di desaroyo Aruba y na unda cu a bay un destaho
publico y e compania Core NV di Corsou a gana e destaho y lo percura di logra pa
Aruba tin un bevolkingsregister limpi.

Luydens ta kere cu e comunidad mester ta mas consciente cu Aruba ta nos pais y e ta
nos responsabilidad pa nos como ciudadano conhuntamente cu censo logra haci e
proyecto aki uno exitoso.Ya caba a haci un investigacion unda cu a constata diferente
situacionnan , uno sigur ta cu for di e 11 930 carta cu lo sali tin un cantidad di 800
persona cu sigur ta biba mas cu un aña afo di Aruba. Tambe for di e 11930 carta cu
1064 a nace na Aruba . E investigacion a keda haci hunto cu IASA, CENSO y AZV a
haci un investigacion profundo. Tambe diferente departamento di gobierno tin un rol
den e proyecto aki debi cu e proyecto aki ta na bienestar di pais Aruba. Lo mester traha
hunto y su un ciudadano no ta mantene su mes na e reglanan cu e departamentonan
por actua debidamente.

Loke cu mester ta bon cla cu e situacion aki tin consecuencia pa tur ciudadano cu ta
biba na Aruba. Por ehempel si tin un persona cu no ta biba na Aruba y e no ta kita su
nomber for di censo pa asina keda bouw op su AOV/AWW of tambe e persona ta biba
den exterior y ta bula bin Aruba pa haci uzo di su AZV sin cu e ta biba na Aruba. Esaki
ta un situacion cu no ta e manera corecto y ta pisa riba e fondo social di Aruba y esaki
por tin su consecuencia negativo pa nos tur cu ta biba riba e pida baranca aki.

E proyecto aki lo cuminsa cu diferente stapnan , e prome ta cu lo manda un carta y si e
persona no presenta e lo haya e di dos carta. Nan ta bay ricibi un carta di e compania,
cu ta e adres cu nan ta registra awor aki actualmente na Censo. Ora cu e personanan
ricibi e carta aki nan tarea ta di bin cerca Core NV y pa bin registra cu nan ta biba
realmente na Aruba y/of cu si tin cambio di adres pa por anota esey tambe. Den e carta
ta poni specificamente ki dia e personanan aki mester yega y e ora precies. Desde
mayan post Aruba NV lo cuminsa reparti e cartanan.