Page 11 - MIN JUS

Abogado mr Chris Lejuez: Den caso Club 297 Fiscal ta
evaluando e forma di proceder

Monday, 05 December 2016 23:48
Comparti

Den fin di siman tabatin un incidente of un pelea entre propietarionan di un club nocturno
(297) cu miembronan di Cuerpo Policial.
Ta parce cu e informacion cu ta Sali na cla ta mustra cu e prome informa no ta cuadra, esta cu
e publico a lanta cu e Polis pa cual nan a saca arma te hasta.
A combersa cu Abogado Chris Lejuez, kende ta representa propietarionan di e club. Aunke cu e
no tin tur informacion ainda, loke e por a bisa cu el a papia cu su dos clientenan (doñonan di e
luga), pero tambe a haya varios video cu ta ilustra kico a pasa paden. Y tambe el a tende cu
riba Facebook tambe lo tin video di e sucedido ta circulando.
E informacion cu e tin te aworaki ta mustra cu Polis a acudi na e sitio despues di a tende cu e
luga lo ta habri ainda despues di e ora di cierre reglamentario, cu musica duro. Na momento cu
Polis a yega, segun e cliente di Lejuez, e luga tabata cera, e caha tabata cera y no tabatin
bendemento di bebida mas. E doñonan tabata sinta den e luga cu algun amigo bishitante for di
Venezuela, kende tabata aki pa un festival di Moda. Hunto den un grupo priva nan tabata
combersando. E momento ey polis a bini pa cera e luga y ta parce cu e situacion a bay for di
man. E por a compronde cu Polis a ranca algun hende tira abou y e Abogado mes ta bisa cu el a
mira riba video dos diferente polis cu handboei a dal un señora esaki den cabez. Di esaki tin un
carta di dokter cu ta indica e slanan ricibi. E otro video riba Internet, el a mira con un Polis a
cana drenta y a ranca un señora, kende ora di reclama a haya un cantiman y despues a wordo
lastra riba vloer. “Esaki a sosode di un forma masha mahos mes,” e Abogado a bisa.
E Abogado no por a confirma cu e club aki tin un serie di incumplimento pa cu orario di cierre.
E Abogado a splica cu den e bar tabatin tanto trahado y no trahado, pero na momento cu Polis
a yega no tabatin bendemento di bebida.
Den e incidente aki tabatin 5 persona cu a wordo deteni y cu 3 ainda ta deteni.
E Abogado ta spera cu tur mester hende realisa cu esaki ta no ta e forma pa actua na momento
cu un luga mester wordo cera. Pero e forma di proceder di actua asina di Polis no mester bay
asina. Lo normal ta boet e luga of bo ta suspende su permiso. Pues ta tuma accionnan
administrativo pa evita cu e ta sigui viola ley di cierre. Den e caso aki a detene varios persona
pasobra nan no a sigui ordo di Polis. Fiscal ta evaluando e situacion di kico pa haci den e caso
aki. E Abogado a bisa cu den un caso asina mester tuma medida den cuadro di e violacion di e
ley, di ora di cierre di un establecimento.