Page 117 - KPA_Neat

Rosario College a faya den atende "Bullying" entre dos
studiante

Sunday, 07 May 2017 21:32
Comparti

Diabierna ultimo pa a tuma luga un incidente lamentabel na Rosario College, unda un mama a sali na
defensa di su yiu muhe di 7 aña di edad, relaciona cu termento y maltrato na scol.

Bullying ta un fenomeno mundial y ta rekeri henter un comunidad pa solucion'e, pues Polis, Scol y Mayornan!

Segun rapport di Polis, ta asina cu na e sitio a topa cu e mama, e señora di inicial R.R. di 29 aña di edad,
kende a conta cu el a baha su yiu muhe di incial R.M. di 7 aña di edad na scol y a mira con un grupo di mucha
muhe ta aserk'e, tent'e di tal forma, cu su yiu tabata pone man riba cabes y a cuminsa grita y yora pareu. E
mama, mirando tur esaki sosodiendo su dilanti, a dicidi di baha for di auto y sali mesora na defensa di e
criatura. E mama a admiti na autoridadnan Policial cu e mes tambe a bay den panico y den e proceso a grita
e alumnonan. Ora cu algun docente a yega na e sitio, nan tambe a haya un grita y zundra.

E mama a conta Polisnan cu e ta fada cu un mucha muhe di inicial F. constantemente ta tenta su yiu muhe. E
problema ta andando pa un tempo caba y e mama ta ripara cu scol no ta haciendo nada, a bay SKOA pa
ayudo pero tambe envano. E mucha muhe F. ta hasta menasa e victima di tal forma cu e ta opta pa ni papia
di e situacion y como tal ta sconde e berdad pa su mama, pa evita mas problema.

Polisnan, cu na e momento ey a haya nan mes confronta cu un situacion dificil, a papia cu e director interino
di Rosario College, di inicial C., kende a desmenti di ta na altura di e situacion pero a mustra disponibilidad pa
mesora yama e trahado social di SKOA pa tuma e caso aki over. Nan lo papia cu mayornan di e alumnonan y
e docentenan di ambos alumno, pa mira si asina por yega na un solucion y pa stop cu e termento aki.

E Polisnan a papia tambe cu wela di e mucha muhe F., sospecha di ta "bully" otro mucha na scol. E señora di
inicial O. a conta cu e ta responsabel pa e nieta pasobra e mayornan mes no ta biba na Aruba. E wela a
admiti na e defensornan di ley cu diaranson e mama di e victima a aserk'e pidiend'e pa e papia cu su nieta
pasobra e ta tenta su yiu na scol. E wela a bisa cu el a considera tentamento na scol como "cos di mucha" y
como tal a opta pa no dedica mucho caso na e peticion di e mayor preocupa.

Mirando e situacion, e Polis encuestion e ora a opta pa papia cu ambos mayor hunto, sin e alumnonan
presente, pa acorda cu nan lo sinta mas pronto posibel cu e trahado social di SKOA pa busca na yega na un
solucion pa stop e tentamento aki awor! Polis a adverti e mayornan pa tambe sinta individualmente cu nan
yiunan y papia di "bullying" y di su consecuencianan, cu hopi biaha por ta devastado pa e victima, tanto den
su studiamento, den su comportacion social y hasta mental.

Polis di su banda a ofrece pa envolvi e ekipo di trahado social di Cuerpo Policial Aruba, esta e
"slachtofferhulp" pa mira si nan tambe por interveni y purba sembra paz entre e dos mucha muhenan menor
di edad aki bayendo Rosario College.

No por keda sin menciona, cu Polisnan mester a intermedia pa soluciona un problema cu de facto e