Page 119 - KPA_Neat

Si tin documento falso ora di peticion di permiso mesora
DIMAS ta haci denuncia na autoridad

Sunday, 07 May 2017 17:19
Comparti

Relaciona cu dunamento di permiso di trabou na stranhero, a logra algun extra informacion ki tur
DIMAS ta topa cune analizando varios peticion pa permiso.
Den e ultimo aña aki, loke a resalta hopi, na momento cu ta valida informacion di entrada, di e dunado di
trabao, cu semper locual ta wordo duna como informacion ta cuadra cu oto instancianan di Gobierno,
unda cu esaki ta registra tambe. Esey ta conduci hopi biaha na un negacion, si bo no ta cumpli cu e
norma y den un percepcion di un hende cu haya un NO, e ora e proceso a dura mas largo, pasobra e tin
cu sigui un proceso di bezwaar si e no ta di acuerdo y eynan e tin cu mustra cu locual a nenge, no ta
corecto of awor si e tin e entradanan cu ta rekeri pa e por tin e persona ey den su servicio.
Otro obstaculo cu ta hayando cu ta tuma man, ta declaracionnan di conducta, particularmente di
Venezuela, cu ora bay valida nan online, ta wak cu esaki no por wordo haci, cu e consecuencia cu ta yega
na negacion. Esey ta haci cu e cantidad di casonan nenga a subi relativamente compara cu e añanan
anterior, pasobra e control administrativo ta hiba y ta tuma su tempo, pero tambe ta conduci na
contestanan cu e persona no ta spera. Pero e trabao tin cu wordo haci y si no ta cumpli cu e reglanan lo
yega tambe na un negacion di un peticion.
Link directo
Kathy Paskel a sigui splica cu Dimas ta valida esaki via linknan online, cu ta di e Gobiernonan di e
respectivo paisnan. Den e caso aki Venezuela. Ta check esakinan y hopi di nan no ta cuadra.
Cambio
Den e ultimo aña aki no por bisa cu tabata tin cambio di maneho. Loke si tabata tin ta intensificacion di
controlnan administrativo y lo bay sigui tambe. Locual ta bay cambia ta cu lo boga pa ta acopla na e
dienstennan aki cu esaki no mester sosode manual mas.
Mester a actua penalmente
Dimas, na momento cu ta wordo poni na altura, of ta ripara cu documentonan, sea a wordo haci fraude
cun'e, of documentonan a presenta no ta valido, lo procede pa haci e denuncianan necesario na
Ministerio Publico, cu na su turno tin cu wak si e ta tuma esaki como un aanknopping pa sigui traha riba
dje. Ora ta trata cu prome peticion, e persona ta den exterior y door di un negacion ta wanta e persona
pafo di e frontera.
Otro denuncianan cu lo por haya ta hendenan cu ta falsifica documento pa por bin na remarca pa un
permiso y si nan ta na Aruba, ta den man di husticia pa wak kico nan ta haci cu e denuncianan aki.
Ta topa cu casonan. Meldingnan ta wordo haci. Hopi biaha falsificacion di documentonan, permisonan