Page 57 - AVP

A base di esaki, SIMAR a tuma contacto cu Minister Lampe y asina a haya un afspraak
pa por a dialoga ariba e carta tocante oranan extra pasobra kier mas claridad.

“Como SIMAR nos ta salvaguardia e derecho di nos miembronan y e docentenan di

Aruba. Y pesey nos a bisa no, nos kier papia cu minister pa haya claridad”, Albertus a
indica.

El a sigui bisa cu den e carta ta menciona 5 diferente topico. E prome topico ta papia di

‘Lesuur’ unda ta wordo skirbi cu un scol ta wordo subsidia placa pa su docentenan, pero
e ta depende di e cantidad di alumnonan cu tin.

Minister a splica cu den ley di Aruba ta stipula cu pa cada 30 mucha tin cu haya un

subsidio. Pero door cu den practica ta mustra cu e no ta asina, e ta mucho hopi, nan a
bahe pa 28 mucha, a bisa.

E di dos topico tabata ‘Taakuur’ pasobra eynan ta skirbi cu un maximo di 32 ora. Di e

32 ora e docente por tin 4 ‘taakuur’ so. Den practica, a indica, pa por duna calidad den
enseñanza, cierto ‘taakuur’ no por keda solamente na 4.

Segun e representante di SIMAR, e minister a bisa nan cu cada caso, cada docente,

cada ‘taakuur’ lo wordo evalua y eynan lo bay wak kico por haci y si e ‘taakuur’ no por
baha of pa wak si ta parti’e cu un otro docente.

E di tres topico ta ‘overuuren’. E carta ta bisa cu tur ora extra di docente ta bay wordo

para. Segun Albertus, un docente no ta traha ‘overtime’. “Eigenlijk, un docente no ta
traha overtime, pasobra ora bo traha overtime bo ta wordo paga 150, 200 porciento.
Un docente ta traha djis extra ora y pa e extra oranan cu e ta traha e ta haya su 100%
paga. Dus e no ta ‘overuur’, a remarca.

Minister Lampe ta di opinion cu ora un docente pasa e 40 ora, cu eseynan lo bira
‘losseuur’. Un docente por haya un maximo di 36 ora y si e tin di bay di 36 pa 40 ora
tin cu pidi permiso na minister, Albertus a señala.

Tempo di Minister Dowers nan a bah’e di 40 pa 36 ora, a agrega.