Page 58 - AVP

E parti cu e docentenan lo bay atras den nan salario, nan a clarifica esey den e reunion.
E mandatario a laga sa cu no. Te cu 40 ora lo wordo paga gewoon full e aña.

Pa loke ta e ‘losseuuren’ esaki ta bin, segun Lampe a duna di conoce. Ora cu un

docente pasa su 40 ora, e ora esey ta bira ‘losseuuren’, ‘no work, no pay’. Pero tambe
tin e parti di losseuur ora di traha 32 ora mainta como docente y ta traha atardi y
anochi, oranan cu si lo wordo tuma como ‘losseuuren’.

E ultimo topico tabata relaciona cu e ‘niet gebonden vakantiedagen’ cu no lo wordo
paga mas. E ora e minister a splica cu scol mester honra ora ta pidi e dianan aki y si
algo pasa cu no por, e ora mester keda pidi y mester otorga nan. Tin cu tuma nan
prome of despues cu vakantie y den e aña escolar siguiente, Josephina Albertus a bisa.

E representantenan di SIMAR a laga minister sa cu nan lamenta cu e no a tuma
contacto cu SIMAR pasobra nan a haya e carta aki door di miembronan y no door di
minister.

El a splica cu door cu tabata den dialogo cu e school bestuurnan, mirando cu finanzas
no ta bayendo bon y cu a surpasa e presupuesto. Esey ta bay pone cu fin di aña lo
mester pidi pa un parti extra y esey ta algo cu no kier.

Pesey, e mandatario a indica cu a dialoga cu e school bestuurnan pa bin cu un solucion.

SIMAR ta di opinion cu si e minister kier a bin cu un solucion, dicon un carta asina

abrupto cu ta trece dilanti e puntonan aki.

Tambe a bisa Minister Lampe cu e carta no tabata duidelijk relaciona cu e oranan extra.

A pidi e mandatario pa un proximo biaha tuma contacto cu SIMAR pa wak con e carta
wordo formula pa e ora ey no crea conmocion cerca e miembronan, Albertus a remarca.

https://www.diario.aw/2019/07/simar-a-reuni-cu-minister-lampe-pa-aclaria-asunto-di-oranan-extra-y-
otro-topiconan/