Page 31 - ARUBA BANK
P. 31
Minister Ruiz-Maduro a señala, pa loke ta e punto di gastonan di personal, cu CAft kier
hinca e Social Crisis Plan como parti di e gastonan di personal, sin cu esaki a keda
acorda den e protocol. Na momento cu a negocia esaki, a sali for di e presupuestonan
cu tin den dje y pesey a uza e cifranan di 2019 ta e punto di salida.
Gobierno ta puntra CAft si acaso nan kier pa stop cu e plan di crisis social, y pa nan
nenga di mira e problema social cu tin eyfo, y nan no kier pa Aruba riba su mes atende
cu e asunto aki.
El a subraya cu Gabinete Wever-Croes a traha riba e plan aki y a percura pa e fondonan
bin, y claramente mester tin e personal experto ekipa pa nan papia cu hende cu tin
problema. E mandatario ta sint cu CAft kier pa Aruba keda den e situacion social
penoso cu Aruba ta confrontando.
Minister Ruiz Maduro a bisa cu a palabra cu e gastonan di personal cu gobierno tin den
presupuesto di 2019, ta consisti di empleadonan publico mas empleadonan di
enseñanza publico, y esey ta e cifra cu a palabra cu Hulanda y cu ta aparece den e
presupuesto.
E Mandatario a subraya cu a mustra CAft esaki den cuater carta den cual e gastonan
aki ta structura y ta splica con e gastonan aki ta hinca den otro, y tambe e
palabracionnan cu a wordo haci den cuadro di protocol.
Minister mr. Ruiz Maduro a mustra e cartanan di e aña aki, 2019, unda ta splica CAft
tur esaki, cu ta data di 21 di Februari , 8 di Maart, 17 di April, 7 di Juni. “Ainda bo kier
bin bisa mi cu e minister di finanzas di e pais aki no kier duna informacion? Cu e
minister aki no kier traha email? Mi ta ripiti, bolbe ripiti y keda ripiti cu e minister di
finanzas di e pais aki ta tuma su trabao na serio, pasobra e situacion financiero di e
pais aki no ta tolera wega”
https://www.diario.aw/2019/07/minister-di-finanzas-ta-mustra-cu-el-a-manda-caft-cuater-carta-cu-tur-
informacion/
