Page 21 - AWEMAINTA

AWEMainta Diahuebs, 16 Maart 2017 21

Aruba Sport Unie a celebra Dia di Hende Muher

cu un Girls and Women Sport and Health Day

RECIENTEMENTE Aruba Sport Unie a organisa un Girls and
Women Sport and Health Day den conexion cu e celebracion riba
Dia Internacional di Hende Muher den Centro Deportivo Betico
Croes.
Notabel ta cu varios federacion deportivo afilia na ASU a forma
parti di e bunita atardi aki.
E meta pa cual a organisa e dia aki tabata pa stimula mas e ser
femenino pa participa na deporte organisa y tambe haya mas in-
formacion riba nan propio salud.
Mayoria di federacion presente a duna un splicacion di nan de-
porte, mientras e atletanan a duna un demostracion kico tur nan
deporte ta ensera.

Mas cu claro tur presente por a haya diferente mas informacion na
cada booth unda e representantenan a duna un splicacion amplio
di nan deporte y por a inscribi pa bira miembro mesora.

Lotto, e Loteria di Aruba ta contento di por aporta y brinda e ayudo
necesario n’e organo deportivo ASU cu ta representa nos federa-
cionnan deportivo p’asina nan por realisa entre otro proyectonan di
concientisacion y stimulacion p’e ser femenino den nos comunidad.
Un danki sigur na Lotto, e Loteria di Aruba pa medio di Comision
di Subsidio cu a yuda cu nan contribucion n’e Girls and Women
Sport and Health Day organisa pa Aruba Sport Unie.