Page 31 - AWEMAINTA
P. 31
AWEMainta Diahuebs, 16 Maart 2017 31
Veronica Castaneda Espinoza ta celebrando 20 aña na Boardwalk Hotel
STAFF y gerencia di Boardwalk Small Hotel recientemente
a celebra e di 20 aniversario di Veronica Esperanza Castaneda
Espinoza. Veronica a cuminsa traha na Boardwalk Hotel dia 28
di februari, 1997. El a forma parti di e ekipo di Housekeeping,
un paar di luna despues cu el a yega Aruba for di su mesun pais
natal di Peru, na aña 1996 ora e tabatin 22 aña di edad.
Den transcurso di e 20 aña cu e tin ta traha na Boardwalk hotel,
Veronica a crece y desaroya su mes. El a bira supervisor di e ekipo
di housekeeper nan.
Su enfoke semper a keda mescos: cuida e huespetnan p’asina nan
keda contento y feliz, cu casitas limpi y un tremendo servicio. El
a cuminsa tuma lesnan di Ingles pa mehora su comunicacion cu
e huespetnan di e hotel.
Veronica ta masha orguyoso ora huespednan ta regresa pa Board-
walk dor cu nan ta stima y aprecia e servicio profesional y e ekipo
amable.
Veronica tin su sonjonan pa e futuro – construi su mesun cas y
duna su yui di 9 aña di edad e oportunidad pa studia y profe-
sionalisa su mes.
Veronica, na nomber di tur bo coleganan na Boardwalk Small
Hotel – masha danki pa bo trabou asina profesional, fiel y dedica
pa e ultimo 20 añanan y nos ta contento di traha hunto den fu-
turo. Masha pabien!
Boardwalk Small Hotel ta consisti di 14 casita situa entre hardin-
nan luhoso, scondi den un plantacion historico di coco (ex Plan-
tage Tromp), djis algun stap leu for di Aruba su bunita Palm
Beach. Cada casita tin un sala den estilo Caribense, un cushina
bon surti y un patio priva cu hamaka y BBQ.
Pa mas informacion bishita www.boardwalkaruba.com.
