Page 26 - AWEMAINTA

26 AWEMainta Diamars, 21 Augustus 2018

Minister Ruiz-Maduro a felicita Jeanine Zijlstra pa 40 aña di servicio

DIABIERNA ultimo minister di Finanza,

Asuntonan Economico y Cultura a bay

felicita señora Jeanine Zijlstra di Departa-
mento di Finanzas pa su 40 aña den servi-

cio di Gobierno di Aruba. Den presencia di
famia y coleganan minister Ruiz-Maduro a

gradici Jeanine pa su esfuerso y lealtad na

Pais Aruba.

Prome Minister Evelyn Wever-Croes na Corsou pa reunion importante:

Aruba den reunion cu Corsou y Sint Maarten

DIALUNA y diamars ta tuma luga na Corsou un re-

union di nivel politico halto. Prome Minister di Sint

Maarten, Leona Marlin-Romeo: Prome Minister di Cor-
sou Eugene Rhuggenaath: y Prome Minister di Aruba

Evelyn Wever-Croes ta reuni y habri e dos dianan di re-
union. Tema di e reunion aki ta: “E cooperacion di e

paisnan na momento di calamidad” na unda lo duna un

reflexion riba e cooperacion di aña pasa na e momento
cu Orcan Irma a asota Sint Maarten. Tambe lo elabora

riba kico nos por siña di e calamidad ey.

Di parti di Aruba, Prome Minister Evelyn Wever-Croes
lo enfatisa cu Aruba semper lo ta para cla pa yuda e is-

lanan ruman apesar cu Aruba mes tin su retonan. Nos

ta poniendo man na obra pa atende cu tur reto di nos
pais y ta prepara pa cualkier eventualidad. Den cuadro

di esaki, Prome Minister ta enfatisa cu e reunionnan aki
na Corsou ta di sumo importancia.

Prome Minister Evelyn Wever-Croes lo ta ausente di-

aluna pa tende e reunion importante aki y lo ta bek na
Aruba dialuna atardi.