Page 52 - AHATA_Neat

Durante un reunion reciente cu CAFT tabata na Aruba, fraccion di MEP por a sinti cu
hopi ta wordo impugna den direccion di un aprobacion di e cuenta anual di aña 2016,
cual den un maneho comun y coriente, lo ta corecto.

Sinembargo, un parti di e rapport aki ta bisa cu ora ARA a haci un control pa wak si ta
cumpli cu e norma di deficit, nan no por a constata si e deficit di e sector colectivo pa
2016 ta cumpli cu e 2% conforme e normanan di LAFT.

E ta bisa tambe cu tin cifranan incorecto tanto di Serlimar como di SVb. Y tambe ta bisa
cu Minister di Finanzas a haya te 10 di November e tempo ey, pa saca un coreccion
den e publicacion di e cifranan di e cuenta annual relaciona cu sumanan eroneo di SVb.

Fraccion di MEP ta mira cu e rapport aki a wordo publica riba fecha 20 di December, cu
ta mas cu un luna y mey despues di e tempo cu e minister en cuestion e tempo ey a
haya, y te cu awe, nunca e coreccionnan aki a bin dilanti.

Otro parti ta, e parlamentario a bisa, cu MEP ta na haltura tambe cu pa nan por a
cuadra e cifranan pa nan por a yega na un deficit di 2%, di cual e ley di LAFT ta stipula
cu SVb den e caso aki a duna un “kwijtschelding” na gobierno, cu gobierno di Aruba no
mester a paga 102 miyon florin di cual nan a wordo exonera, pero no ta mira esaki den

e buki di SVb pero si den e parti di gobierno.

Segun e parlamentario esaki ta un truco cu nan a uza pa complace asina pa yega na e
norma di 2%. Pa e motibonan aki fraccion di MEP ta bisa cu nan lo no por aproba e

cuenta anual aki, y nan a haci esaki conoci na e hendenan di CAFT tambe, cu cualkier
consecuencia cu por tin.

E parlamentario a referi tambe na e articulo 31 di e Ley di Contabilidad, cu ta bisa

claramente cu e minister cu faya y cu ta trece cualkier consecuencia pa nos pais, e tin
cu carga su responsabilidad.

Parlamentario Endy Croes a subraya cu fraccion di MEP no kier libera ministernan cu,

posiblemente, lo a comete fraude den e pais aki no solamente den tereno pero e
miyones cu sr. Richard Arends a cobra, segun e parlamentario, pero nan mester para
responsable pa loke nan a haci.