Page 53 - AHATA_Neat

El a subraya cu un bez cu Staten bay over na aproba e cuenta anual di cual ARA tin
duda riba dje, e ta libera e minister di tur responsabilidad.

“Y mi ta kere cu nos como politiconan responsable y cu a bay campaña pa eleccion cu

lo percura pa investiga cada ministerio y esun cu faya lo tin cu carga su consecuencia,
basa riba e articulo 31 di e ley di contabilidad, e ta imposible mirando e consehonan di
Rekenkamer, cu tin erornan den cifranan cu no a haal e norma di LAFT di e 2%, nos no
ta sinti tanten cu nos no haya e contesta corecto di e aclaracion riba esaki, pa nos bay

over pa duna aprobacion na e cuenta annual 2016. Mi kier pa esaki ta bon cla tanto pa
nos propio gobierno, como pa Hulanda y tambe pa CAFT. Y desde aki mi ta haci un
suplica na nos propio minister di finanzas Xiomara Ruiz-Maduro cu mediante nos colega
Parlamentario Setty, cu ta lidera e parti aki, nos lo bolbe haci preguntanan fuerte y nos

lo kier pidi ARA mediante e minister concerni, pa duna un splicacion y un conclusion
basa riba loke nan a haya. Tambe mi ta bao presentimento cu Rekenkamer kier skirbi
esaki un poco bunita di mas, y laga un tiki duda meymey, siendo cu mi ta sinti si cu
nan ta na haltura, corectamente, cu loke cada parlamentario di Movimento Electoral di

Pueblo ta treciendo dilanti ta documenta y nan tin cu sali dilanti cu palabra cla prome
cu nos bay over, y cu si bin coreccion por ta un cuenta anual cu lo por wordo aproba”,
Parlamentario Endy Croes a señala.

https://www.diario.aw/2018/10/endy-croes-fraccion-di-mep-lo-no-por-aproba-
cuenta-anual-2016/