Page 67 - MIN.ECUE

Presidente di Parlamento, Mervin Wyatt-Ras: Dialuna dos
ley importante pa garantisa calidad di nos salubridad a ser

trata y aproba

Monday, 12 December 2016 17:46
Comparti

Presidente di Parlamento ta trese padilanti cu dialuna dos ley importante a ser trata y aproba den
Parlamento Un di nan ta esun pa garantisa cu ora di malesa contagioso por actua na un forma structura y
segun palabracionnan. Dicho ley a keda aproba unanimamente. E otro ley ta regarda reglamentacion di
landslaboratorium.

Esaki mester a ser formalisa como un proceso cu a cuminsa hopi anja pasa y nunca no a finalisa. A yega
na regla cu laboratorium di pais Aruba a haya un status autonomo. El a bira un fundacion cu ta resorta
bou di Hospital. Den pasado tabatin discucion encuanto eficiencia y maneho di dicho instituto y awor lo
tin mas control. Miembronan di parlamento a expresa preocupacion pa e trahadornan y a aproba un
mocion presenta pa fraccion di Mep. Wyatt-Ras ta anuncia cu mayan lo tin mas reunion entre nan e
presupuesto di e Fondo di Turismo. Pa loke ta e presupuesto di e Conseho Consultativo esaki a ser
posponi pa dialuna venidero durante cual lo trata alavez e prepuesto supletorio y esun cuenta annual di
anja 2015 di pais Aruba. E hecho cu a critica cu a postpone tratamento di e presupuesto di Conseho
Consultativo e presidente ta haya fuera di lugar. Tin mas leynan cu sa wordo posponi pa otro dia. Ta bai
cu lo trata e ley aki promer cu fin di anja. Wyatt-Ras ta indica cu di parti di parlamentarionan mester tin
mas respet pa ora ta trata leynan di colegionan halto.