Page 68 - MIN.ECUE

SEPPA riba e Problematica na LandFill Parkietenbos (Dump)

Monday, 12 December 2016 20:29
Comparti

Habriendo e siman aki, Trahadornan a mustra Gobierno nan reaccion riba e declaracion cu a sali den
prensa cu entrante 1 januari 2017 ta sera Landfill Parkietebos (DUMP).
Prome cu esaki, ya rumornan tabata circula riba e tema aki. Pero e declaracion a mustra mas fuerte e
direccion cu gobierno kier tuma pa cu Dump. Intentonan di SEPPA pa haya reunion for di gobierno
tampoco a duna resultado, pues dialuna mainta trahador a aparece dilanti Bestuurskantoor pa
esaki. Mas cu claro cu pa trahadornan esaki tabata “AWE SI”.

Gobierno ta bisa di ta “solamente baha actividad na Dump” y esaki ta pasa pa esun cu awe
ainda ta bo Competencia den negoshi !!
E intencion cu gobierno pa Sanea Dump, e presion cu tin pa esaki, ta algo tur hende ta wak. Pero con ta
hasi esaki y unda trahadornan ta para ta contestanan cu mester wordo duna na trahadornan.
Gobierno a informa SEPPA cu e intencion ta pa den januari baha e cantidad di actividadnan riba
Parkietenbos. Esaki ta contrario na loke a Sali den prensa, esta cu pa 1 januari 2017 ta sera Dump,
lagando pueblo mes cu e pregunta kiko ta hasi cu e Sushinan di tur dia y e trahadornan mes kiko ta para
cu ‘NOS’ trabao y ‘NOS’ pan di cada dia !.

Esaki ta e fase pa prepara pueblo???
Segun gobierno den e proceso di saneamente Trahadornan di Dump mes lo sigi cu hopi trabaonan cu ta
relaciona cu esaki, Gobierno ta bin cu lugar nobo pa warda e sushinan y cu tambe ta bai over na sera e
buraconan. Pues e trabaonan lo wordo hasi pa trahadornan di Dump mes bao supervision
di trahadornan di Serlimar.
Ta pa motibo cu nan ta bezig ta sanea e dump, ta pa e motibo ey lo a scoge pa e sushi wordo hiba na otro,
cual akinan tambe ta lanta e pregunta, e pakiko lo bo hiba bo servicio netamente na esun cu awe ainda ta
bo competencia den negoshi !!
Pa cuanto tempo no ta mucho cla tampoco, paso asina por cuminsa kita trabao di un compania di pueblo
manera Serlimar SG, ta laga pueblo custumbra cu e idea y majan kita esaki definitivamente !!!!!
Inversionista ta hinca placa pa un rato so !!!
Ningun comerciante ta bay hasi inversionnan grandi y nos ta papiando di miyones just pa un rato, just pa
juda…..Al contrario !! E kier su placa bek, mas ganashi y mas largo e keda gana miho. Pues, e
comerciante/compania/inversionista con cu kier jame su unico meta ta pa traha placa, hasi
ganashi. Alomenos saca su Return of Investment… y sigur no un acuerdo di 1 aña ni 2, pero sigur e lo
desea acuerdonan pa largo. Esaki ta basico den mundo di negoshi!!!!!
Y negoshi ta keda negoshi, nada ta cambia akinan.
Pues, e ta bon cla pa SEPPA y trahadornan di Serlimar cu algo tin. Nos tin informacion cu
negociacionnan ta andando.

Gobierno ta garantiza trabao y entrada na trahadornan di Serlimar.
Aunke en principio e problema di Dump por mustra cu e ta afecta trahadornan na DUMP solamente, nos
mester compronde cu den caso cu ta kita of bende Dump for di Serlimar na otro compania, cu esaki tin
consecuencia pa Serlimar completo.