Page 11 - MIN ON

Filomena College Mavo ta recorda tur mayor di klas 1 te 3 pa bin e anochi di resultado di
rapport 1
Wednesday, 30 November 2016 10:57
Comparti

E mentor- y mentrixnan di e klasnan C.B.1 te cu C.A.1 (klas 1- 3) ta extende un invitacion cordial na tur e
mayornan pa asisti na e prome anochi di resultado di rapport 1 pa e aña escolar 2016 – 2017. Esaki lo
tuma luga diahuebs 1 di december 2016, for di 6or di atardi pa 8or di anochi na Filomena College Mavo
mes.

Ya e prome periodo ta tras di lomba y a yega e momento pa evalua e alumnonan cu nan resultado. Esaki ta
e momento adecua pa e mayornan conhuntamente cu e mentor of mentrix sinta analisa e resultado como
tambe e pasonan cu a tuma pa yega na e resultadonan y ki efectividad esaki tabatin. En general e team ta
satisfecho cu e resultado di prome periodo, ya cu for di su 224 alumnonan di klas 1 te cu klas 3, tin 70% di
alumno cu rapport 1 voldoende. Meta ta awo pa sigui mantene e 70% aki suficiente y pa traha cu e 30% cu
falta pa yega na rapport 2 voldoende, p’asina tin un porcentahe mas halto di resultado pa rapport 2. P’esey
mes ta di sumo importancia pa e mayornan presenta e anochi aki, ya cu e educacion di cada mucha no ta
den man di e maestronan so, sino un trabou di ekipo entre mayor y scol. Manera cu e mayornan yega lo
tin un indicacion den cua klas nan mester bay. E responsabilidad di educacion di cada un di nos
alumnonan mester keda prioridad pa e mayornan, pa asina hunto nos forma hoben educa y bon
ciudadano.