Page 12 - MIN ON

Minister Yrausquin cu agenda basta ocupa den su prome siman na Den
Haag
Wednesday, 30 November 2016 13:04
Comparti

Minister Plenipotenciario Juan David Yrausquin a cuminsa cu su trabaonan na Hulanda, atendiendo
diferente reunion na Hulanda y na London. E mandatario den su prome siman di trabao a cuminsa pa
tuma tempo pa reuni individualmente cu e personal di Gabinete di Aruba.

Esaki a duna e mandatario e oportunidad pa cera conoci mas di cerca cu su ekipo y pa delinea e metanan
cu lo incorpora den e aña su dilanti . Tambe minister Juan David Yrausquin a bishita London,
conhuntamente cu un delegacion di Departamente di Finanzas, unda a reuni cu diferente instancia
financiero riba peticion di su colega Minister Angel Bermudez. Fuera di esaki Sr. Yrausquin a tene
reunionnan na ministerionan Hulandes, a topa cu varios studiante Arubano na Hulanda y a atende e
concierto di gala na Amsterdam den cuadro di e bishita di oficial di Rey Philipe y Reina Mathilde di
Belgica na Hulanda. Na e ocacion aki e mandatario a topa y papia cu diferente empresario y politico
Hulandes.