Page 53 - MIN ON

SIMAR ta lamenta expresion di lider di MEP den prensa

Tuesday, 29 November 2016 21:48
Comparti

Tin un cantidad di discusion riba un juffrouw cu Simar lo tabata di yuda, pero finalmente el a bay y busca
sosten un otro caminda

, na un bufete, cu despues el a haya un cobransa. Por a scucha esaki for di lider di MEP cu Simar hasta a
manda cobransa pa e juffrouw. Shelia Tromp-Lazo a splica cu ta lamenta cu en principio Simar ta sali
den prensa cu esaki di parti di lider di MEP, sin acerca pa tin un miho informacion encuanto esaki. Simar
mes no a sali den prensa pasobra nan no ta bay cu casonan di miembronan den prensa, no ta expone
esaki, pero toch tin cu aclarea esaki si kico a bay robes. Juffrouw Suki a haya su mes den un caso y a
acerca Simar segun statuto y segun reglamento di cas, mester ta miembro di e sindicato pa haya
asistencia huridico. Na e momento ey, mirando e gravedad di e caso, a tuma e caso di biaha y a splica e
juffrouw cu mirando cu e no ta miembro, pasobra ta e ora ey el a bin pa bira miembro, ta mara na un
cierto porcentahe pa casonan huridico. Asina mes Simar a tuma e persona, e miembro aki y a gui'e, a
yud'e full cu asistencia huridico.

Su caso a bay dilanti pa bay cu abogado y eynan ta unda cu e juffrouw miembro no tabata dispuesto pa
firma e acuerdo cu tin cu Simar, cu ta existi den e reglamento di cas. El a bay cu e papel pa bay pense y
eynan a bisa cu e ta prefera di sigui cu e abogado Riuz y Croes, cu ta maneha e caso. Eynan Simar a hala
atras y Simar a bisa cu e tabata su escogencia mes y e ora ey el a sigui cu e otro abogado. E ora Simar a
manda para e caso via nan propio abogado.

Esey ta algo logico, segun Tromp-Lazo. Un persona cu acerca e sindicato, na e momento ey e ta bira
miembro, den e reglamento ta mar'e na cierto cantidad di aña cu e mester ta miembro pa e haya tanto
porciento di asistencia huridico. Ta lamenta si el a haya un cobransa asina halto di un otro abogado. Loke
ta lamenta ta cu kisas ta defende e cobransa ey, atacando Simar of purba di atacha Simar. Simar na
ningun momento a nenga di yuda e juffrouw aki. Nan a bay dia y anochi, tabata bezig cu e juffrouw aki. A
tuma e caso hopi na serio. A logra hopi cu e caso. Lamentablemente na momento cu e caso a yega
Parlamento, unda cu tabata tin hopi discusion. Eynan e banda politico a drenta den e caso y e juffrouw a
haya promesa di otro abogadonan cu nan ta bay yud'e, nan ta bay traha miho p'e. A papia cu e juffrouw y
dune hopi conseho pa pense bon. Simar ta dun'e full su apoyo pero e no mester ta algo cu ta politico.
Despues e juffrouw mes a dicidi cu e ta sigui cu e otro abogadonan