Page 54 - MIN ON

SIMAR tin miembro di tur color politico pero politica no ta
hunga den SIMAR

Tuesday, 29 November 2016 21:50
Comparti

Sheila Tromp-Lazo, presidente di SIMAR a splica cu mirando cu Simar ta un sindicato di maestro y
maestro tin tur color politico.

Pero politica no ta hunga den Simar. No ta hunga cu caso di maestronan ora cu presenta algo. Si kier
pone enfasis cu tabata tin un temporada cu a haya masha hopi maestro cu na e momento ey a bira
miembro pasobra nan a haya nan mes den un caso. Akinan Simar kier apela pa wak con importante e ta
pa ta miembro di un sindicato. Mas aña bo tin, den e caso aki mas tempo bo por gosa di asistencia
huridico. Esey ta hopi importante pa Simar, pasobra eyden no a hunga cu caso di ningun miembro, di
ningun maestro. A purba di yuda te unda cu tabata por. E juffrouw aki despues tambe a purba di entrega
su retiro na e momento ey. Tambe e ta mara na reglamento di cas cu bo mester entrega bo retiro prome
cu tanto tempo, cual e no a cumpli cun'e. A inform'e di esey. El a laga e temporada pasa y despues a
entrega su retiro.

Tromp-Lazo a sigui splica cu e caso a cuminsa en principio cu na e momento cu e juffrouw a haya su mes
den e problema ya caba, e abogado a entrega un peticion pa un kortgeding. Esey tabata pafo di Simar.
Despues el a bin hunto cu Simar y despues el a entrega tambe un proceso pa e bodemprocedure. Simar ta
lamenta en principio cu mester a yega asina leu, pasobra a purba varios biaha na mesa hunto cu e
departamentonan concerni pa yega na un solucion y no tabata wak esaki.
Simar tabata cuestiona e procedura cu a tuma den e caso aki pero no tabata haya cooperacion. Esey ta
haci cu automaticamente na mesa no ta yega na otro y ta busca otro na un otro mesa, segun presidente di
Simar.

Otro casonan
Tin diferente cso cu Simar ta bezig cun'e y tin un ultimo aki cu ta bezig atrobe cu un directiva di scol. Ta
lamenta aki tambe cu no ta hayando e cooperacion cu mester of e no ta cana manera mester ta. Pero esey
ta bezig cun'e ainda.

Tin biaha ta diferente directiva no ta duna oido, pa un of otro motibo. Nan tambe tin nan punto di bista y
Simar ta sigui conseho huridico y hopi biaha e cosnan ta bay fout, no solamente na e directivanan
concerni, pero tambe na e miembro mes cu no sa su derecho. Tin biaha ta trapa derecho di miembro,
pero sin cu nan ta conciente di dje, te ora cu mas erg presenta, e ora ta purba di guia nan riba esaki,
Tromp-Lazo a splica.