Page 22 - MIN SOC

Abogado Hose Figaroa di FTA: Mescos trahador tin
obligacion e dunador di trabou mester respeta e derecho di e

trahador

Friday, 30 December 2016 06:20
Comparti

Hose Figaroa ta abogado di FTA. Durante conferencia el a comenta riba e leynan cu tin pero tog dunador
di trabou no ta respeta e leynan aki.

Sindicato su trabou ta atende y actua ora un dunador di trabou no ta cumpli cu e leynan. Tambe mester
educa e dunador di trabou y delegado cu ta haya su training pa atende cu e problemanan aki. Ora un
trahador presenta cu un problema mester guia e persona aki pa evita e situacion y remedia esaki. ‎Bo
mester tin miedo como trahador si bo ta haci algo malo. Buscando bo derecho bo no a haci algo malo.
Mescos e trahador tin un obligacion, e dunador tambe mester cumpli cu e trahador segun Hose Figaroa
consehero legal di FTA. Un trahador no ta haciendo algo malo ora busca su derecho. Pesey tambe FTA
tey como sindicato. Bo tin un barera eynan caminda bo mester pasa esaki y pidi pa loke bo tin derecho
pe. Sindicato ta e escudo entre e trahador y dunador di trabou. Hose Figaroa cu ta abogado di FTA a
splica cu tin situacion den bida cu no por haci mucho cos cune. Den e caso di casino Aura cu a baha na
awa lagando debenan grandi atras. A keda debe gobierno miyones y tambe e trahadornan y a bandona
Aruba. Esnan cu mester a cumpli cu e ley a faya. Hose Figaroa abogado di FTA a splica cu tras di lomba
di sindicato a atende cu e trahadornan dunando dos luna di salario y nan a acepta. E otronan sin trabou a
haya cuater luna y mester bay busca trabou. A base di ley cu a cambia e operador nobo tin obligacion di
tuma tur trahador. E otro trahadornan a acepta cuater luna pero tin tog algun cu a opone buscando nan
derecho. E partidonan tabata casi yega na un acuerdo pero esaki no a logra ainda pero tur cos ta mustra
cu aña 2017 mester sigui pa traha cu e casino cu dos luna di salario atrasa cu nan a acepta.