Page 23 - MIN SOC

Sindicato FTA a repasa 2016 durante un encuentro cu prensa
y cuestiona loke ta pasando na Hilton y RIU ainda awendia

Friday, 30 December 2016 06:10
Comparti

FTA sindicato a tene un conferencia caminda a repasa aña 2016. Nan tin diferente tema pa atende
pasobra ta atende cu diferente area di trabou.

Hubert Dirksz presidente a splica cu retonan cada biaha ta mas grandi pa FTA. Naturalmente nan ta
negocia y aunke situacion por ta dificil ta logra yega na algo satisfactorio pa e trahadornan. FTA ta spera
cu companianan cumpli cu ley pasobra tin cu no ta cumpli cu ley. Hubert Dirksz di FTA a splica cu tin
trahador cu mester sali haci denuncia loke ta robez. FTA tin delegadonan cu ta wordo entrena tur aña pa
asina duna e servicio tambe na pia di trabou. Den area hotelero tabata tin cierto duda con e ocupacion ta
bay. E all inclusive tabata un discusion durante 2016. Hubert Dirksz di FTA a splica cu na RIU e
trahadornan a protesta varios biaha. Despues di varios reunion ainda e relacion cu RIU hotel no ta
bayendo bon segun e presidente di FTA. Na Hilton Hotel tambe tin un situacion andando cu a wordo
comenta durante e conferencia di prensa. Paktenan ta wordo duna na trahadornan y ta practicamente
obliganan tuma esaki. Kier sera cierto departamento na Hilton y ta prefera e trahadornan tuma pakete y
no acomodanan den un otro sector di trabou den e hotel mes. Durante e conferencia Hubert Dirksz a
splica cu e trahador den e hotelnan a duna un servicio cual motibo tambe e turismo ta asina halto na
Aruba. E trahadornan mester lanta para ora companianan tin tendencia di duna pakete. E placa di
pakete ta poco y ta caba. Bo derecho ta wordo trapa unda ta hinca e trahador den un spot pa nan corta
nan mesun garganta. Tin contrato di corto duracion cu tambe ta incorecto. Situacion di Casimo na
Aruba tambe ta dificil. Tin interesadonan pa tuma casinonan over. Si no pone atencion na loke nos kier
den mundo di casino, e sector aki ta bay desaparece. Kizas e no ta bay disaparece mesora pero e ta bira
despues explotacion di empleado. ‎Si tin desaroyo robez mester actua. Mester stima nos pais mas hopi.
Un pais no ta bay den problema di un dia pa otro segun Hubert Dirksz di FTA. No por permiti pa e
problema social aumenta. Si e aumenta e ta aumenta e criminalidad tambe. FTA a bisa autoridad y
gobernantenan di tur esaki. E problema di criminalidad no ta wordo atendi debidamente aunke cu bin
Procurador General nobo. Union Sindical mester a duna mas fruto. Den 2017 mester traha mas fuerte cu
Union Sindical of No. FTA mester sali pa su miembronan. Informacion di e realidad y traha hunto por
duna un forsa mas grandi. ‎Un luna y mey pasa FTA mes a aproba e presupuesto di 2017. Esaki ta
ehempelnan pa hopi sindicato pasobra hasta e cuenta anual a wordo presenta. Mester traha hunto pa
avansa den e movecion Sindical. FTA ta spera cu den 2017 den area di formacion e dunamento di servicio
por cay manera mester ta. Union Sindical a reuni den hopi ocasion. A traha hunto pa ta un forsa cu por
handle cu e situacion. Kier a duna e forsa pa e dunador di trabou respeta e trahador. Na Curacao a mira
con e situacion a bira. Ta spera cu na 2017 e situacion ta diferente. FTA lo haci su best pa e trahador bay
dilanti. A mira caba Serlimar, Douanero y varios sindicato cu ta atendiendo asuntonan di un empresa.
Tin diferente costa cu mishi nos tur segun Hubert Dirksz. No ta na su lugar pa un pais den un momento
asina keda atras. FTA lo pusha segun Hubert Dirksz. FTA a crece den miembrecia durante 2016.
Durante e conferencia di prensa Hubert Dirksz a splica cu tin biaha color politico ta pone cu hende no ta
actua ora mester lanta para pa nan derecho. Esey no mester ta asina. Gobernantenan tambe mester bira
mas serio segun e presidente di FTA.