Page 18 - MIN ARENDS 7 JAN 2017

AWEMainta Diasabra, 7 Januari 2017 9

Parlamentario mr. Xiomara Maduro (MEP):

Bon Bini na su Excelencia Gobernador Alfonso Boekhoudt

“PARLAMENTO di Aruba a reuni den un reunion solemne pa nos
Gobernador nobo, Su Excelencia Alfonso Boekhoudt, por presenta su
credencialnan conforme locual e Reglamento di Gobernador ta stipula.
Durante e reunion SE Boekhoudt a duna un discurso elocuente
den cual a enfatisa e importancia y forza cu e nucleo familiar
tin pa nos comunidad y pais por progresa. Nos ta gradici nos
Gobernador pa e mesahe bunita aki y ta haci un apelacion
na pueblo pa scucha e discurso di nos Gobernador Boek-
houdt y tuma tempo pa reflexiona riba su mensahe”,
Parlamentario Maduro a splica.

“E reunion solemne tabata uno bunita, pero
mester bisa cu ta lamentabel cu Gabinete
Eman a presenta cu solamente 3 Minis-
ter en bes di e 9 Ministernan cu mester
a bin Parlamento pa brinda nan respet na
nos Gobernador Boekhoudt na ocasion cu e
ta cuminsa fungi den un posicion asina importante
pa nos pais.
Pero como un pueblo culto cu semper sa di brinda respet na
nos Gobernador, nos ta haci un apelacion pa no siugi e mal ehempel di
Minister Eman y su bende y recibi y trata nos Gobernador Su Excelencia
Alfonso Boekhoudt cu e debido respet.

Cu Dios por brinda nos Gobernador Boekhoudt y su
famia e sabiduria, pasenshi y forsa pa cumpli cu e
trabou importante aki pa nos pueblo y pais den
Reino Hulandes.
Bon Bini na su Excelencia Gobernador Alfonso
Boekhoudt!”, Parlamentario mr. Xiomara
Maduro a expresa.