Page 13 - MIN SJA

AWEMainta Diahuebs, 1 December 2016 31

Prome Minister Mike Eman na Proyecto Cas pa Senioren

“Nos no kier pa nos grandinan biba den soledad”

P’esey ta apoya Proyecto di FCCA

DIARANSON mainta, Minister di Infra-
structura Benny Sevinger a haci trabou di
metsla y Prome Minister Eman a pega bloki
na e ceremonia di ponemento di prome piedra
na Savaneta.

Tabata un ceremonia pa duna inicio oficial na e
Proyecto “SeniorenWoning” di FCCA na unda
antes tabata cas di dr. Ponce.

Tin un necesidad grandi pa cas pa grandinan
(riba 60 aña) unda cu personanan di edad cu
pa gran parti por cuida nan mes ta biba den un
forma independiente hunto cu personanan di
nan mesun edad y den nan mesun bario.

“Nos ta sumamente contento di ta para na
inicio di construccion di 36 cas pa nos grandi-
nan”, Eman a bisa.

“Cifra y estadisticanan ta mustra cu e canti-
dad di personanan den comunidad cu ta riba
60 aña, di awo pa 2030, ta bay ta creciendo y
despues lo tin un rejuvecenimento di nos pais
Pero den e proximo 13 añanan ta bay mira cu
e cantidad di personanan riba 60 aña ta crece.
Esaki ta haci cu nos ta bay tin hopi necesidad
di cas pa nos grandinan”, el a agrega.

Tambe e mandatario a splica cu durante bishita
den barionan a bin constata cu e grandinan
ta keda nan so na cas, hopi biaha den un cas
grandi, mientras cu tin otronan ta biba den
condicionnan menos faborabel. Tin biaha den
apartamentonan chikito y hopi caro.

“Esaki no ta acomodacionnan cu nos kier pa
nos hendenan. Nan por biba den un bario
manera esaki, unda mas hende di nan edad ta
biba y ta sinti e afeccion y cariño cu ta impor-
tante pa nan no cay den soledad. Cu e proyecto
aki y otronan cu nos ta haci cu FCCA nos ta
creando SeniorenWoning unda mas hende
grandi por biba hunto. Esaki ta e convivencia
cu nos kier pa nan”, Prome Minister Eman a
bisa.

E proyecto di FCCA ta wordo construi riba un
area di 10 mil meter cuadra cu acomodacion pa
36 persona (of pareha), cu ta situa den cercania
di un edificio MFA, supermercadonan y otro
facilidadnan. Riba e mesun compleho lo tin un
looppad y mashinnan pa haci ehercicio, pa e
habitantenan keda den bon condicion.