Page 8 - MIN SJA

AWEMainta Diahuebs, 1 December 2016 11

Prome cu su caida fatal

Piloto di LAMIA 2933 a bisa cu tin fayo electrico y no tin fuel

MEDELLIN – E piloto di LAMIA 2933, cu a cay
cerca di Medellin, Colombia, a bisa, “E avion tin fayo
electrico total y no tin fuel”, di acuerdo cu esnan
encarga cu e investigacion.

Esaki tabata den un grabacion di audio cu a wordo
publica den medianan Colombiano, cu ta detaya e
combersacionnan entre e personal di avion y tore di
control.
Setentiun persona a perde nan bida den e accidente,
incluyendo e miembronan di un ekipo di futbol Bra-
zileño, mientras cinco a logra sobrebibi.

Investigadonan a descurbi tur dos “Black Box” di e
avion den perfecto condicion. Esaki lo por bisa si e
avion tabatin cualkier sorto di problema tecnico.

Tambe nan ta considerando “fuel starvation” como
un di e factornan di e accidente fatal aki.
“Fuel starvation” ta ocuri ora fuel ta corta di e mot-
ornan, haciendo cu e motornan ta stop di traha.
E por wordo causa pa diferente factor e. o. fuel leak,
fayo di fuel pumps of eror di e personal.

Segun un investigado, fuel starvation ta poco comun,
pasobra semper nan ta haci un chekeo pa sigura cu
tin suficiente fuel abordo.
Investigadonan lo reconstrui e avion su ultimo oranan
a base di pruebanan colecta di e accidente.