Page 55 - MIN.PAUL CROES

Interesante presentacion di buki tocante persona cu un of
otro limitacion di bista na Aruba

Friday, 09 December 2016 16:59
Comparti

Siman pasa a tuma luga den un aula di Universidad di Aruba completamente yen lansamento y
presentacion di e buki“E dia ey mi a stop di core auto…” -Persona cu un of otro limitacion di bista na
Aruba: Autodeterminacion, identidady respet den bida diario.

E audiencia den aula tabata consisti di un publico masha varia: hende cu limitacion visual y nan famia,
profesional den e ramo, studiante, docente y otro persona interesa. Pa e ocasion aki hasta director di e
fundacion pa persona cu limitacion visual di Corsou y director di Koninklijke Visio International, un
fundacionpa persona cu limitacion visual di Hulanda, a bini Aruba. E buki ta contene e investigacion pa e
tesis doctoral didr. Mieke de Droog, docentena Universidad di Aruba, den cual historia di bida divarios
persona cu un of otro limitacion di bista ta para central. Nan ta duna un bista di loke e limitacion visual
ey ta nifica pa nan den nan bida diario, y cua ta e posibilidadnan cu nan mes tin pa siña anda cu e
cambionan ey, sea den colaboracion cu otro persona y instancia of no. E estudio ta duna un idea di e
complehidad y e dinamica di e limitacion. Dunamento di nificacion, anda cu perdida riba diferente
tereno y strategia pa confronta problema ta varia di persona pa persona y di situacion pa situacion.
Specialmente den caso di limitacion visual cu a surgi mas laat den bida tin incidente clave cu ta cay na
bista, manera e momento di e diagnostico y e caso di ‘e dia ey mi a stop di core auto’ di e titulo di e tesis.
Cu e visionnan presenta den e disertacion aki esnan cu un of otro limitacion di bista na Aruba por
empodera nan mes, y otro hende y instancia por sostene nan na un forma mas dirigi. Otro persona, entre
nan profesional den e ramo, miembro di famia y conoci, ta resulta di por fungi como figura palanca.

Loke finalmente e buki ta boga p’e ta: desaroyo di maneho participativo den cual autodeterminacion y
respet pa diferencia mester ta e puntonan di salida pa excelencia. Dr. Mieke de Droog a gradici diferente
persona pa nan contribucion na e buki, manera e personanan cu un of otro limitacion di bista cu tabata
dispuesto pa conta tocante nan experiencianany eprofesionalnany instancianan, manera dokter di wowo
Dr. Jacobs y Wit Gele Kruis,cu a percura pa e por a entrevista tambe persona cu un of otro limitacion di
bista cu pa un 2 of otro motibo no ta cliente di FAVI. E buki ta obtenibel na FAVI, tanto den forma
imprimi como den forma di buki electronico y buki pa scucha. Na FAVI mes tambe por haya un resumen
di e buki na Papiamento, Ingles y Hulandes. E recaudacion di benta di e buki ta completamente destina
pa FAVI.E buki imprimi tambe ta disponibel pa fia na Biblioteca di Universidad y Biblioteca Nacional di
Aruba.