Page 57 - MIN.PAUL CROES

ATA ta yama danki na Javier Erasmus cu tambe ta contribui
na un Aruba mas dushi

Friday, 09 December 2016 17:53
Comparti

Aruba Tourism Authority a lansa recientemente un campaña den e espirito di fin di aña ‘Danki Aruba’. Pa medio di e
campaña aki ta reconoce heroenan cu ta haci di Aruba uno Dushi pa Biba y como tal uno Dushi pa Bishita. E
cuidadano ehemplar cu ta wordo reconoci ta Javier Erasmus, un persona cu semper ta dedica su tempo liber pa
brinda su aporte na nos hendenan den dificultad. Ta reconoce Javier paso e ta un hoben cu ta pone enfasis ariba
yuda otro y e ta haci esaki cu hopi amor y compacion.

Javier Erasmus ta un di e fundadornan di Muscles & Lungs cu a cuminsa 6 aña pasa como un idea entre par di
amigo, pa lanta un centro di ehercicio diferente. Nan a tuma iniciativa pa cuminsa busca tur informacion y bai den
exterior pa tuma curso pa asina bin bek Aruba y cuminsa cu un luga nobo pa haci ehercicio. Loke a cuminsa como un
idea entre 5 amigo awor por conta cu 250 miembro activo na Muscles and Lungs. Nan ta ofrece servicio manera
Crossfit, Kids classes, Senior classes, Barbell club, Yoga, Muscle Fit y mas. Nan ta un compania cu ta sigui progresa
pa asina brinda servicionan mas moderno na nan miembronan.
Tambe Javier ta enfoca pa e miembronan di Muscles & Lungs brinda ayudo na e comunidad. Recientemente nan a
organisa un “food drive” caminda cada miembro a trece algo di come pa asina por yuda un persona of famia cu ta
den nececidad. Javier ta enfoca hopi ariba yuda nos comunidad di Aruba y cu e vision aki Javier a cuminsa cu e M&L
Community, caminda tur miembro ta yuda boluntariamente. Javier ta un persona cu semper ta yuda hendenan e den
nos comunidad cu ta den nececidad y e ta haci esaki cu hopi compacion y dedicacion por medio di e M&L
community.
Ta danki na e esfuerso boluntario na nos isla, e persistencia y bon boluntad nos isla ta sobresali riba tur otro nacion
mundialmente. E factor principal di nos turismo ta nos hendenan, nos mes, y pesei A.T.A. kier presenta un mensahe
di refleccion e aña aki pa medio di ‘Danki Aruba’. Cuminsando yamando danki na un persona ehemplar cu ta Javier
Erasmus. Danki Javier. Semper cu un sonrisa a comparti y duna un otro un humilde man, dunando su aporte aña
den y aña afo. Esakinan ta sigur caracteristicanan cu mester pa no solamente sigui riba un turismo duradero y
saludabel, pero pa simplemente nos comunidad por biba na un manera felis, den harmonia pa cu un cu otro.
Subi online ariba www.dankiaruba.com pa nomina bo heroe y sigui e campaña di ‘Danki Aruba’ ariba e pagina di
Facebook y Instagram di Oficina di Turismo Aruba. Den nomber di Aruba Tourism Authority nos kier gradici cada
un di nos hendenan pa nan lucha incansabel durante 2016 y kier desea nos comunidad feliz dianan di fiesta y un One
Happy 2017.