Page 17 - BNDIA ARUBA
P. 17
A17
HENDE Diaranson 22 Mei 2019
Arte di Palabra ABC a celebra 20 aniversario
ORANJESTAD – Durante fin di siman a tuma luga e final di Arte di
Palabra ABC, competencia literario pa alumno di scol secundario, na
K-Center Corsou. E organisacion tabata den man di comision Arte di
Palabra (AdP) Corsou, cu a celebra nan di 20 aniversario.
Dia 13 di april 2019 e competencia di AdP Aruba a tuma luga na Cas di Cultura.
Arte di Palabra Aruba ta un proyecto di Departamento di Cultura bou di auspi-
cio di minister di Cultura cu ta wordo organisa pa un comision cu ta consisti di
personal di DCA y Grupo Corector di Papiamento.
Arte di Palabra ta consisti di diferente categoria cu ta poesia original/ existente y
Cuenta original/ existente di klas 1-2, 3-6 of EPI klas 1-2.
Un total di dies hoben cu a cay den premio di AdP Aruba a bay representa Aru-
ba na Corsou pa e final di AdP ABC. Nan nomber ta: Obi Tromp, Loui-Angelo
Bislick, Dayron Vrolijk, Samantha Garcia Guevara, Rafael Garcia, Dignairy de
Vos, Shaniqua Jones, Cayley Figaroa, Xie-Marie Larmonie y Naomi York
En total 40 finalista di Aruba, Boneiro y Corsou a participa cu sea un storia cor-
tico of un poema. Despues di e himno di cada pais, a yama tur presente un bon
bini y a entrega un bunita muestra di aprecio pa e di 20 aniversario na e miem-
bronan di comision di Arte di Palabra Corsou . Minister di Enseñansa Corsou,
Alacala- Walle a hiba palabra yamando delegacion di Aruba, Boneiro y Corsou
bon bini y a mustra riba desaroyo constante di Papiamento y acuerdonan en-
tre islanan ABC. Despues di esaki, e competencia a cuminsa y e hobennan di
Aruba, Boneiro y Corsou a duna tremendo presentacion.
Durante e evento a duna homenahe tambe na baluartenan di Aruba, Boneiro
y Corsou. E Tapushi Literario ta bay pa personanan cu ta duna contribucion
valioso na Papiamento, e aña aki cu enfasis riba medio di comunicacion.
Aruba: Miriam Rosel-Koolman
Boneiro: Ubaldo Anthony
Corsou: Renate Joe, Cesar Palacios y Arthur Tjin-Kon-Fat
Na final di e competencia tabatin intercambio di regalo entre e delegacionnan
di Aruba, Boneiro y Corsou. Tur participante y tur miembro di delegacionnan
a ricibi e buki ‘Pòtpuri Arte di Palabra 2019’.
Finalmente a divulga e finalistanan di e seis categorianan, e seis ganadonan ab-
soluto a ricibi un regalo y tambe un bunita trofeo diseña y produci pa Frank
Croes di Aruba cu tambe ta esun cu a crea e bunita logo di Arte di Palabra ABC.
Un pabien y un danki special ta bay pa comision di Arte di Palabra Corsou cu
nan di 20 aniversario.
Un pabien na tur e hobennan di Aruba, Boneiro y Corsou cu a participa, y
tambe na e comisionnan organisatorio di e tres islanan.
Riba pagina di Facebook artedipalabra y Arte di Palabra Aruba, por mira graba-
cion y potret di final di Arte di Palabra ABC.
Aki ta sigui nomber di e ganadonan di e competencia di cuenta y poesia Arte di
Palabra ABC.
Categoria A: Poesia Existente klas 1-2
1. Quiarah Paulina di Maria College, Corsou
2. Jo-anndric Mercera di SGB, Boneiro
3. Edi-Sherray Antonia di Liseo, Boneiro
Categoria B: Poesia Original klas 1-2
1. Jordan Martis di Gouv. Lauffer VSBO, Corsou
2. Sulimar Martis di Gouv. Lauffer VSBO, Corsou
3. Loui-Angelo Bislick di Colegio San Antonio, Aruba
Categoria C: Poesia original klas 3-6
1. Dennzjelo Nassy di St. Jozef VSBO, Corsou
2. Richaina Adamus Troeman di St. Jozef VSBO, Corsou
3. Rafael Garcia di Mon Plaisir College, Aruba
Categoria D: Cuenta Existente klas 1-2
1. Derickson Ellensburg di Joseph Civilis VSBO, Corsou
2. Naydjelly Sumter di Liseo. Boneiro
3. Kyrsha Petrochi di SKAIH, Corsou
Categoria E: Cuenta original klas 1-2
1. Wandel Jansen Polanco di Maria College , Corsou
2. Cayley Figaroa di John Wesley College, Aruba
3. Darnica Pourier di SKAIH, Corsou
Categoria F: Cuenta original klas 3-6
1. Gyandro Marselia di MIL, Corsou
2. Kayla Gray di St. Jozef VSBO, Corsou
3. Lyndon Leito MBO, Boneiro
